Էրդողանն Ադրբեջանում է

Քաղաքական08:09, 12 Նոյեմբեր 2024

Էրդողանն Ադրբեջանում է

Թուրքիայի նախագահ Ռեջեփ Թայիփ Էրդողանը Սաուդիան Արաբիայում «Իսլամական համագործակցության կազմակերպության և Արաբական լիգայի արտահերթ համատեղ գագաթնաժողովին» մասնակցելուց հետո մեկնել է Ադրբեջան։

Էրդողանն այնտեղ է` մասնակցելու «ՄԱԿ-ի Կլիմայի փոփոխության մասին շրջանակային կոնվենցիայի մասնակիցների կոնֆերանսի 29-րդ (COP29) նստաշրջանի աշխարհի առաջնորդների կլիմայական գագաթնաժողովին»։

Թուրք ղեկավարին Ադրբեջանի միջազգային օդանավակայանում դիմավորել է Ադրբեջանի արտգործնախարար Ջեյհուն Բայրամովը, Բաքվում Թուրքիայի դեսպան Ջահիթ Բաղջըն և նրա կինը՝ Լեյլա Բաղջըն։

Էրդողանի հետ Ադրբեջան են մեկնել նաև Թուրքիայի արտգործնախարար Հաքան Ֆիդանը, էներգետիկայի և բնական ռեսուրսների նախարար Ալփարսլան Բայրաքթարը, նախագահի արտաքին քաղաքական և անվտանգության հարցերով գլխավոր խորհրդական Աքիֆ Չաղաթայ Քըլըչը, նախագահականի Հանրային կապերի վարչության ղեկավար Ֆահրեթթին Ալթունը և «Ազգային հետախուզության ծառայության» (MİT) ղեկավար Իբրահիմ Քալընը։

Նշենք, որ Բաքվում նախատեսվում են մի շարք հանդիպումներ Թուրքիայի նախագահի և Ադրբեջանի պետպաշտոնյաների միջև։

Հանդիպումների օրակարգում են լինելու երկկողմ հարաբերությունները, Պաղեստինի Գազայի հատվածի և Լիբանանի շուրջ տիրող իրավիճակն ու տարածաշրջանային և համաշխարհային զարգացումները։

Այս ենթաբաժնի վերջին նորությունները

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: