Հեռախոսազրույց են ունեցել Թուրքիայի և Իտալիայի ղեկավարները

Քաղաքական09:29, 23 Հոկտեմբեր 2024

Հեռախոսազրույց են ունեցել Թուրքիայի և Իտալիայի ղեկավարները

Թուրքիայի նախագահականի հանրային կապերի վարչության սոցցանցում կատարած հրապարակման համաձայն՝ հեռախոսազրույց է տեղի ունեցել Թուրքիայի և Իտալիայի առաջնորդներ Ռեջեփ Թայիփ Էրդողանի ու Ջորջիա Մելոնիի միջև:

Նշվել է, որ քննարկումներ են եղել երկկողմ հարաբերությունների, տարածաշրջնաում Իսրայելի կողմից իրականացվող «հարձակումների» վերաբերյալ:

Անդրադարձ է կատարվել նաև տարածաշրջանային և համաշխարհային նշանակության հարցերի:

Հեռախոսազրույցի ընթացքում երկրների ղեկավարները քննարկել են այն քայլերը, որոնք կարող են նպաստել երկկողմ հարաբերությունների էլ ավելի խորացմանը:

Մտքեր են փոխանակվել առևտրաշրջանառության և ռազմարդյունաբերության ոլորտի համագործակցության ամրապնդման վերաբերյալ ևս:

Էրդողանն ընդգծել է Իսրայելի՝ Մերձավոր Արևելքում իրականացվող գործողությունները կանգնեցնելու հարցում միջազգային հանրության հետ միասին գործելու անհրաժեշտությունը:

Նա նաև ընդգծել է, որ Իտալիայի աջակցությունը մեծ թափ է հաղորդելու Եվրամիության շրջանակներում Թուրքիայի առաջարկին, որով նախատեսվում է դադարեցնել զենքի վաճառքն Իսրայելին:

Թուրքիայի նախագահը Պաղեստինի Գազայի հատվածում Իսրայելի կողմից իրականացվող ռազմական գործողություններից զատ անընդունելի է համարել նաև իսրայելական բանակի կողմից Լիբանանի և այնտեղ տեղակայված ՄԱԿ անձնակազմի վրա կազմակերպված հարձակումը:

Թուրք ղեկավարը նշել է, որ Իտալիայի արձագանքն Իսրայելի ագրեսիվությանը Թուրքիայի կողմից համարվել է տեղին քայլ:

Հեռախոսազրույցի ընթացքում Էրդողանը նաև շեշտել է, որ իրենք շարունակելու են ջանքեր գործադրել՝ տարածաշրջանային խաղաղության համար:

Երկկողմ զրույցի ավարտին Թուրքիայի նախագահը շնորհակալություն է հայտնել Մելոնիին՝ LGBT համայնքի աջակիցներին ի հակառակ ընտանեկան արժեքներն առաջին պլան մղելուն և ընտանիքի հայեցակարգին աջակցող վերաբերմունքի համար:

Աղբյուր` Aa.com.tr

Այս ենթաբաժնի վերջին նորությունները

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: