ERMENI HABER AJANSI

Ռուսաստանի Դաշնության (ՌԴ) նախագահ Վլադիմիր Պուտինի արտաքին քաղաքականության հարցերով խորհրդական Յուրի Ուշակովը հայտարարել է, որ Պուտինն առաջիկայում հանդիպում է ունենալու Թուրքիայի նախագահ Ռեջեփ Թայիփ Էրդողանի հետ։

Ուշակովի խոսքով, նրանք հանդիպելու են Ռուսաստանի Կազան քաղաքում կայանալիք «BRICS» գագաթնաժողովի անցկացման 2-րդ օրը։

Նշվել է, որ «BRICS»-ի հերթական գագաթնաժողովն անցակցվելու է հոկտեմբերի 22-ից 24-ը։

Բացի այդ, Ուշակովը տեղեկացրել է, որ Պուտինը նախատեսում է նաև հանդիպումներ Իրանի նախագահ Մեսուդ Փեզեշքյանի, Պաղեստինի նախագահ Մահմուդ Աբբասի և ՄԱԿ գլխավոր քարտուղար Անտոնիո Գուտերեշի հետ։

ԲՐԻՔՍ-ը (անգլ.՝ BRICS — Brazil, Russia, India, China, South Africa բառերի հապավում) 9 երկրի միջազգային տնտեսական միություն է: Այն հիմնվել է 2006-ին: Հիմնադիր երկրներն են Բրազիլիան, Ռուսաստանը, Հնդկաստանը, Չինաստանն ու Հարավային Աֆրիկան։ Այժմ կազմակերպությունը ներառում է 9 պետություն՝ Բրազիլիա, Ռուսաստան, Հնդկաստան, Չինաստան, Հարավային Աֆրիկա, Եգիպտոս, Իրան, Եթովպիա և Արաբական Միացյալ Էմիրություններ։