Էրդողանն ընդունել է Հայաստանի, Իրանի, Ռուսաստանի, Ադրբեջանի ԱԳ նախարարներին

Քաղաքական19:04, 18 Հոկտեմբեր 2024

Էրդողանն ընդունել է Հայաստանի, Իրանի, Ռուսաստանի, Ադրբեջանի ԱԳ նախարարներին

«3+3» տարածաշրջանային խորհրդակացական հարթակի հանդիպումից հետո Թուրքիայի նախագահ Ռեջեփ Թայիփ Էրդողանն ընդունել է Հայաստանի, Իրանի, Ռուսաստանի և Ադրբեջանի արտգործնախարարներին։

Հանդիպումը կայացել է Թուրքիայի նախագահականում։ Հանդիպմանը ներկա են գտնվել նաև Թուրքիայի արտգործնախարար Հաքան Ֆիդանը, Թուրքիայի նախագահականի հանրային կապերի վարչության ղեկավար Ֆահրեթթին Ալթունը և նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչը։

«Anadolu» գործակալությունը հայտնել է, որ ընդունելությունը տևել է մոտ 1 ժամ։ Քննարկվել են Հարավային Կովկասում մնայուն խաղաղության գործընթացը և տարածաշրջանային ու համաշխարհային հարցեր։

Ընդունելության ժամանակ նախագահ Էրդողանը հայտնել է, որ Թուրքիան մեծ կարևորություն է տալիս տարածաշրջանային խնդիրները երկխոսության միջոցով լուծելու ըմբռնումով ստեղծված հարթակին։ Էրդողանը նշել է, որ ուրախալի է, որ Հարավային Կովկասի պատկերը փոխվել է դեպի մնայուն խաղաղության։

Նախագահը նաև հայտնել է, որ ՄԱԿ-ում Իսրայելի դեմ զենքի մատակարարման էմբարգոն արդյունավետ քայլ կլինի Իսրայելին կանգնեցնելու համար, և որ Թուրքիան կշարունակի այդ մասին բարձրաձայնել։

Աղբյուր` hurriyet.com.tr

Այս ենթաբաժնի վերջին նորությունները

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: