Տարածաշրջան17:02, 03 Սեպտեմբեր 2024
Թուրք վերլուծաբանը հավանական է համարում Թուրքիա-Սիրիա կարգավորումը
Թուրքական իշխանամետ «Hürriyet»-ի վերլուծաբան Ֆաթիհ Չեքիրգեն անդրադարձել թուրք-սիրիական հարաբերությունների կարգավորմանը միտված նոր գործընթացին, որը տեղի է ունենում Իրանի և Ռուսաստանի միջնորդությամբ։
Նա, կարևորելով Թուրքիայի՝ Սիրիայի հետ հարաբերությունների կարգավորման գործընթացում կատարած կարևոր քայլերը, նշում է, որ այս համատեքստում շատ կարևոր է թուրք և ռուս զինվորների համատեղ պարեկային ծառայության վերսկսման փաստը։
Պնդելով, որ Սիրիայի նախագահ Ասադը Էրդողանի հետ հանդիպման համար ոչ մի նախապայման չի դրել՝ հեղինակը կարծում է, որ հարաբերությունների կարգավորումը միանգամայն իրագործելի է։
«Շատ կարևոր քայլ է արվում Իրաքից հետո Սիրիայի հետ հարաբերությունների կարգավորման քաղաքականության առումով։ Միասնական ցամաքային պարեկությունը (BKD), որը դադարեցվել էր 2023 թվականի հոկտեմբերի 5-ին, վերսկսվում է։
Թուրք և ռուս զինվորներից բաղկացած ստորաբաժանումը կրկին պարեկային ծառայություն է իրականացնում «Խաղաղության աղբյուր» ռազմական գործողության շրջանի արևելքում։ «Pars» և «Kirpi» մեքենաներով աշխատում է 24 անձնակազմ»,- հայտնում է վերլուծաբանը։
Միևնույն ժամանակ հեղինակը հիշեցնում է, որ Դամասկոսի համար Թուրքիայի հետ հարաբերությունների կարգավորման տեսանկյունից պարտադիր պայման է Թուրքիայի ու վերջինիս հովանավորությունը վայելող խմբավորումների դուրսբերումը Սիրիայի հյուսիսից։
«Ռուսաստանի հետ համատեղ ցամաքային այս պարեկությունը կարող ենք դիտարկել որպես կարևոր զարգացում Անկարայի և Դամասկոսի միջև հարաբերությունների կարգավորման փուլի առումով»,-եզրափակվում է հոդվածը։
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |