Տնտեսական16:25, 02 Ապրիլ 2024
Թուրքիան և Ադրբեջանը մտադիր են երկկողմ առևտրաշրջանառության ծավալները հասցնել 15 մլրդ դոլարի
Թուրքիայի արտահանողների միության (TİM) պատվիրակությունը Ադրբեջանի մայրաքաղաք Բաքվում հանդիպել է ադրբեջանցի գործարարների հետ:
Բաքվում Թուրքիայի դեսպան Ջահիթ Բաղջըն ևս մասնակցել է գործարարների հանդիպման նպատակով անցկացված միջոցառմանը:
Նա նշելով, որ Թուրքիան առուվաճառքի կարողունակության որակական տեսանկյունից դարձել է աշխարհի 11 մեծ տնտեսություն ունեցող երկրներից մեկը, հայտարարել է տարբեր շուկաներ ավելի համապարփակ ձևով մուտք գործելու իրենց մտադրության մասին:
Նա նաև աշխարհագրական դիրքի տեսանկյունից Ադրբեջանն համարել է առևտրի գործընթացներում մեծ կարողության տեր երկիր:
Հայտարարելով, որ Թուրքիայի դիվանագիտական առաքելությունները ևս փորձում են թուրք առևտրականների համար նոր շուկաների մուտքի համար անհրաժեշտ աջակցություն ցուցաբերել, ասել է.
«Մենք ջանքեր ենք գործադրում Ադրբեջան եկած մեր առևտրականներին, արտահանողներին և արդյունաբերողներին ճշգրիտ տեղեկություններ տալու համար: Արտահանման տեսանկյունից Ադրբեջանում 2-րդն ենք Ռուսաստանից հետո: Այս երկրորդականությունից առաջնայնություն դուրս գալը դժվար չէ, սակայն պետք չէ նաև ընկնել երրորդականություն»:
Խոսել է նաև TİM փոխնախագահ Ահմեդ Ֆիքրեթ Քիլեջին, ով ասել է, որ մտադիր են բոլոր ոլորտներում Ադրբեջանի հետ երկկողմ համագործակցությունն էլ ավելի խորացնել:
«Մեր նպատակը «հաղթել-հաղթել» սկբունքի շրջանակներում երկու երկրի միջև առկա առևտրային ցանցն էլ ավելի խորացնելն է: Բարեկամի հետ առևտուր անելն ամրապնդում է բարեկամությունը: Եթե նույնիսկ փոխադարձ առևտրային ցուցանիշները լավն են, մենք հավատում ենք, որ ավելի մեծ կարողունակություն կա և դրանից էլ ավելի շատը կարող ենք հաջողել»:
Բացի այդ, Քիլեջին հիշեցրել է, որ երկու երկրի ղեկավարները՝ Ռեջեփ Թայիփ Էրդողանն ու Իլհամ Ալիևը, իրենց երկրների համար 15 մլրդ դոլարի երկկողմ առևտրաշրջանառությունը սահմանել են որպես նպատակ:
«Մենք հավատում ենք, որ կարճ ժամանակ անց հասնելու ենք այդ նպատակին»:
Նշենք, որ միջոցառանը Թուրքիայից մասնակցել է 40, իսկ Ադրբեջանից 200 գործարար:
Միջոցառման շրջանակներում մասնակիցների միջև տեղի են ունեցել մի շարք երկկողմ հանդիպումներ, ինչպես նաև ծանոթություններ որոշ թուրքական ընկերությունների արտադրանքների հետ:
Այս ենթաբաժնի վերջին նորությունները
Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։
Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։
Թուրքիայի նախագահ Ռեջեփ Թայիփ Էրդողանն ընդունել է Իրաքի վարչապետ Մոհամմեդ Շիա Սուդանին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Forbes Türkiye» բիզնես-ամսագիրը հրապարակել է Թուրքիայի ամենահարուստ 100 մարդկանց ցանկը։
Ամերկյան ընկերությունը հրապարակել է 2025-ին աշխարհում ամենաուժեղ բանակն ունեցող պետությունների ցանկը:
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
«Hava SOJ» էլեեկտրական մարտկոցով աշխատող ինքնաթիռը կարող է արգելափակել ռադարային ազդանշանները՝ ապահովելով ռազմական մյուս ինքնաթիռների արդյունավետ գործունությունը:
Օրակարգում են երկու երկների միջև ուղիղ բախման վտանգի կանխումն ու Սիրիայում Թուրքիայի կողմից իրականացվող գործողությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |