Թուրքիայում նախընտրական սոցհարցումներ են անցկացվել

Հասարակական16:00, 12 Փետրվար 2024

Թուրքիայում նախընտրական սոցհարցումներ են անցկացվել

Թուրքիայում հեղինակակավոր «MetroPOLL» ուսումնասիրությունների կենտրոնն իրականացրել է սոցհարցումներ՝ պարզելու, թե որ քաղաքական ուժը ներկա պահին որքան վարկանիշ ունի։

«Եթե ընտրություններն անցկացվեին այս կիրակի» հարցադրմամբ իրականացված սոցհարցման արդյունքներով պարզ է դարձել, որ ներկայումս իշխող «Արդարություն և զարգացում» կուսակցությունը (ԱԶԿ-AKP) 34․6 միավորով զբաղեցրել է 1-ին տեղը, մինչդեռ գլխավոր ընդդիմադիր ուժ համարվող «Ժողովրդա-հանրապետական» կուսակցությունը (ԺՀԿ-CHP) հավաքել է 25․1 միավոր՝ զբաղեցնելով 2-րդ հորիզոնականը։

Հարցման համաձայն՝ մայիսի 14-ից հետո «ԱԶԿ» «Լավ» կուսակցության և քրդամետ «Հանուն հավասարության և ժողովրդավարության» (DEM) կուսակցությունների վարկանիշն աճել է։ Այս օրերին, երբ Թուրքիայում քաղաքական օրակարգը կենտրոնացած է ՏԻՄ ընտրությունների վրա, «MetroPOLL» կենտրոնն իրականացրել է ընդհանուր ընտրություններին վերաբերող հիշյալ հարցումը։

Հարցվածների մեջ մեծ թիվ են կազմել նաև դեռևս չկողմնորոշված քաղաքացիները։ Քրդամետ «DEM» կուսակցությունը հավաքել է 10․3, իսկ ազգայնական ուղղվածություն ունեցող «Ազգայնական շարժում» կուսակցությունը (MHP)՝ 9 միավոր։

Աղբյուր` Cumhurriyet

Այս ենթաբաժնի վերջին նորությունները

15:29, 19 օգոս

պոլսահայ ռոք երաժիշտը ելույթ կունենա Թուրքիայում

Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:

13:29, 19 օգոս

Թուրքիայի ամենամեծ քաղցրահամ լիճը ցամաքում է (Լուսանկարներ)

Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։

13:05, 19 օգոս

Թուրքիա-Գերմանիա ավիաուղղությունն աշխարհի ամենածանրաբեռնված ուղիներից է

Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։