Տնտեսական17:13, 25 Հունվար 2024
Թուրքիան Գերմանիա կատարվող արտահանումների ծավալը ցանկանում է հասցնել 23 մլրդ դոլարի
Թուրքիայի արտահանողների խորհուրդը (TİM) տվյալներ է հրապարակել Թուրքիայի իրականացրած արտահանուների վերաբերյալ:
Նշվել է, որ Թուրքիան 2023-ին 2022-ի համեմատ 0.6 տոկոսով ավելացրել է արտահանումների ծավալը՝ ավելի քան 254 մլրդ-ից այն հասցնելով շուրջ 256 մլրդ դոլարի:
Միայն 21 մլրդ 94 մլն դոլար արժողությամբ արտահանում իրականացվել է դեպի Գերմանիա, որն էլ համարվել է ամենաշատը: Գերմանիային հաջորդել է ԱՄՆ-ը, Իրաքը, Մեծ Բրիտանիան և Իտալիան:
Թուրքիայից ԱՄՆ իրականացվել 14.8, Իրաք՝ 12.8 մլրդ, Մեծ Բրիտանիա՝ 12.4, իսկ Իտալիա՝ շուրջ 12.3 մլրդ դոլարի արտահանում:
Գերմանիա արտահանված ապրանքներից շուրջ կեսը՝ 7 մլրդ 747 մլն արժողությամբ ապրանք, արտահանվել է Ստամբուլում գործող ընկերությունների կողմից:
Ամենից շատ արտահանված ապրանքները դեպի Գերմանիա եղել են մեքենաշինական ինդուստրիայի ոլորտից: Դրանց ընդհանուր արժեքը կազմել է 4 մլրդ 854 մլն դոլար:
Այս համատեքստում TİM նախագահ Մուստաֆա Գյուլթեփեն թուրքական պետական «Anadolu» լրատվական գործակալության թղթակցի հետ զրույցում հայտնել է, որ Թուրքիան մտադիր է ներառվել աշխարհում ամենախոշոր արտահանող երկրների 10-նյակում:
Գյուլթեփեն նշել է, որ այդ առումով տարվում են աշխատանքներ թե նոր շուկաներ մուտք գործելու, թե առկա շուկաներում ապրանքաշրջանառության ծավալները մեծացնելու ուղղությամբ:
Նա ընդգծել է, որ Եվրոպան Թուրքիայի համար ամենամեծ և այլընտրանքը չունեցող շուկայի դիրքում է:
«2023-ին ընդհանուր առմամբ իրականացված արտահանումների 41 տոկոսը եղել է միայն դեպի Եվրամիության (ԵՄ) անդամ երկրներ»,-հավելել է նա:
Միության նախագահը նշել է, որ դեպի Գերմանիա արտահանումների պոտենցիալն ավելի մեծ է և իրենք գիտեն՝ թե Գերմանիան այս առումով ինչ ակնկալիքներ ունի իրենցից:
Գյուլթեփեն, առանձնացնելով, որ Գերմանիա արտահանվող ապրանքների գերակշռող մասը մեքենայաշինական ոլորտի ապրանքներ են, ասել է.
«Մենք փորձում ենք գերմանական շուկայի հետ կապված մեր ծրագրերով բոլոր ոլորտներից դեպի այդ երկիր իրականացվող արտահանումների պոտենցիալը հասցնել մաքսիմումի»:
Բացի այդ, թղթակցի հետ զրույցում նա նշել է, որ 2024-ին Թուրքիայի ընդհանուր արտահանումների ծավալը պլանավորվում է հասցնել մինչև 267 մլրդ դոլարի, իսկ միայն Գերմանիա արտահանվող ապրանքների ծավալները հասցնել 22-ից 23 մլրդ դոլարի:
Նշենք, որ Թուրքիայում գործող 120.000 արտահանող ընկերություններից 20.000-ը առևտրային կապեր ունի Գերմանիայի հետ, ինչն էլ նշանակում է, որ յուրաքանչյուր 6-րդ արտահանող ապրանք է հասցնում Գերմանիա :
Այս ենթաբաժնի վերջին նորությունները
Անցած շաբաթ Թուրքիայի նախագահ Ռեջեփ Թայիփ Էրդողանը հայտարարել էր Իսրայելի հետ առևտրի սահմանափակումների մասին։
Թուրքիայի էներգետիկայի և բնական պաշարների նախարարը նշել է, որ նպատակադրված են մինչև 2035 թվականը 60 գիգավատով ավելացնել արևային և հողմային էներգետիկ հզորությունը։
Թուրքիայի խորհրդարանում ընդունվել է օրենքի առաջարկ, որի համաձայն, երկիրը իրավասու է ներկրվող բնական գազը վերածել հեղուկ գազի և արտահանել այն:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի խորհրդարանի թվային լրատվամիջոցների հանձնաժողովի նախագահ․ «Վերջնական վերլուծության արդյունքում գործը կհասնի մինչև արգելափակման»։
Թուրքիայի էներգետիկայի և բնական պաշարների նախարարը նշել է, որ նպատակադրված են մինչև 2035 թվականը 60 գիգավատով ավելացնել արևային և հողմային էներգետիկ հզորությունը։
Անցած շաբաթ Թուրքիայի նախագահ Ռեջեփ Թայիփ Էրդողանը հայտարարել էր Իսրայելի հետ առևտրի սահմանափակումների մասին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |