Թուրքիան մտադիր է hեղուկ գազի խոշոր մատակարար դառնալ

Տնտեսական12:06, 08 Մայիս 2024

Թուրքիան մտադիր է hեղուկ գազի խոշոր մատակարար դառնալ

Թուրքական մամուլում շրջանառվող լուրերի համաձայն, Թուրքիան կարևոր քայլեր է իրականացնում հեղուկ գազի խոշոր մատակարարի կարգավիճակում հայտնվելու համար:

Մասնավորապես նշվում է, որ նախորդ շաբաթ Թուրքիայի խորհրդարանում ընդունվել է հանքարդյունաբերության կանոնադրությունում և որոշ այլ կանոնադրություններում փոփոխություն անելու մասին օրենքի նախագիծը:

Ապա նաև բացատրվում է, որ այս փոփոխություններում տեղ գտած կետերից մեկի համաձայն, Թուրքիան կարող է աշխարհի տարբեր շուկաներ հասցնել թե՛ տեղական արտադրության բնական գազը, և թե՛ ներկրվող և ապագայում ներկրվելիք բնական գազը՝ այն վերածելով հեղուկ գազի (LNG):

Ընդգծվում է, որ այդ նպատակով նաև առաջիկայում կառուցվելու են այնպիսի կենտրոններ, որոնց միջոցով հնարավոր կլինի բնական գազը փոխել բնական հեղուկ գազի, ապա՝ դուրս բերել արտաքին շուկաներ:

Թուրքական մամուլը, հղում անելով Թուրքիայի էներգետիկայի և բնական հանածոների նախարարության հետ կապ ունեցող աղբյուրներին, գրում է, որ նմանատիպ կենտրոնները առաջիկայում կստեղծվեն մասնավոր սեկտորի և կամ հասարակական շրջանակների կողմից կատարվելիք ներդրումների միջոցով:

Աղբյուր` aksam.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։