Թուրքիան մտադիր է արգելափակել TikTok-ը երկրում

Քաղաքական14:47, 10 Մայիս 2024

Թուրքիան մտադիր է արգելափակել TikTok-ը երկրում

Թուրքիայի խորհրդարանի թվային լրատվամիջոցների հանձնաժողովի նախագահ և իշխող «Արդարություն և զարգացում կուսակցության» (ԱԶԿ-AKP) անդամ Հուսեյն Յայմանը հանդես է եկել հայտարարություններով։

Նա մասնավորապես խոսել է Թուրքիայում ТikTok սոցիալական հարթակի արգելափակման մտադրությունների մասին՝ նշելով, որ այդ հարթակը համոզիչ և գոհացնող պատասխաններ չի տվել իրենց։

«Վերջնական վերլուծության արդյունքում գործը կհասնի մինչև արգելափակման»,-հավելել է նա։

Յայմանն ընդգծել է նաև, որ անհրաժեշտ է պաշտպանել երեխաներին և ընտանիքներին, ապա հայտարարել, որ չնայած արգելափակումներին դեմ լինելու իրենց գործելաոճին, այս դեպքում կարող են քայլեր ձեռնարկել։

Թուրք պաշտոնյան շեշտել է, որ հարցը ցավոք կապված է մի իրականության հետ, որտեղ խոսքով, աաջարկով և կամ խնդրանքով առաջընթաց գրանցել չենք կարող։

Բացի այդ պաշտոնյան X հարթակին (նախկին Twitter) հրավիրել է Թուրքիայում ներկայացուցչական գրասենյակ բացել և հավելել․ «Ոչ ոք չի կարող իրեն վեր դասել այն երկրի կանոններից, որում նա գտնվում է»։

Թուրքական մեդիայում նշվում է, որ այժմ TikTok-ի ապագան Թուրքիայում անորոշ է, ինչը հանրության շրջանում մեծ անհանգստություն է առաջացրել։

Աղբյուր` kamuajans.net

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։