• Կայքի մասին
  • Կապ
  • Ցեղասպանություն
  • Ղարաբաղ
  • Ռազմական
  • Խոսք
  • Հոդված
19 Հուլիս, 2025
Շաբաթ 03:36
Tür|Հայ|Pуc

ERMENI HABER AJANSI

Հակիրճ ԵՎ ստույգ
  • Հարցազրույց
  • Տնտեսական
  • Քաղաքական
  • Հասարակական
  • Մշակութային
  • Գիտակրթական
  • Տարածաշրջան
  • Միջազգային
  • Իրավական
  • Մարզական

Հարցազրույց14:46, 12 Մայիս 2023

Ըստ հայ և թուրք գիտնականների՝ Թուրքիայում հետընտրական ապակայունացում չի սպասվում

Ըստ հայ և թուրք գիտնականների՝ Թուրքիայում հետընտրական ապակայունացում չի սպասվում

Թուրքիայում ծանր ընտրություններ են սպասվում, այդուհանդերձ թե՛ գործող նախագահ Թայիփ Էրդողանը, թե՛ ընդդիմության թեկնածու Քեմալ Քըլըչդարօղլուն պարտության դեպքում երկիրը չեն տանի ապակայունացման։ Ermenihaber.am-ի՝ «2023 Մայիսի 14․ Թուրքիայի ընտրություններ» խորագրով վեբինարի ընթացքում նման եզրակացության են հանգել ԱՄՆ-ի Յուտայի համալսարանի պրոֆեսոր, քաղաքագետ Հաքան Յավուզը և ՀՀ ԳԱԱ ակադեմիկոս, թուրքագետ, պրոֆ․ Ռուբեն Սաֆրաստյանը՝ անդրադառնալով այն հարցին, թե արդյոք Էրդողանը կընդունի ընտրության արդյունքները պարտության դեպքում, իսկ եթե ոչ, ապա ինչպիսի զարգացումների պետք է սպասել ընտրություններից հետո։

«Թուրքիայում Ստամբուլի ընտրություններն Էրդողանն առարկեց և չեղարկեց՝ օգտագործելով Բարձրագույն ընտրական հանձնաժողովը (ԲԸՀ)։ Այժմ ԲԸՀ անդամները բոլորն Էրդողանի մարդիկ են։ Եթե տարբերությունը 1-3 միավոր լինի, Էրդողանը դա կուլ կտա, կգողանա։ Ի՞նչ արձագանք կտա դրան ընդդիմությունը․ Քըլըչդարօղլուն, անկեղծ ասած, այնպիսի մարդ չէ, որ ազգին փողոց դուրս կհանի, շատ բարեկիրթ մարդ է։ Իմ կարծիքով՝ բարոյական բարձր արժեքներ ունեցող մեկը։ Նա բախումներ այդքան էլ չսիրող մարդ է, տարբեր ճանապարհներ կարող է փորձել, ժամանակին նա «Արդարության երթ» է կատարել Անկարայից-Ստամբուլ, նրան նաև այդ պատճառով Գանդի-Քեմալ էլ են անվանում»,-նշել է քաղաքագետ Յավուզը։

Ըստ թուրք պրոֆեսորի՝ Թուրքիայի հասարակությունը սիրում է իշխանություն, հավաքվում է իշխանության դրոշի տակ։ Շատ հեշտ ընտրություն չի սպասվում, տեղային բախումներ կարող են լինել, սակայն դրանք շատ մեծ տարածում չեն գտնի։

Յավուզի խոսքով՝ Թուրքիայի գործող նախագահ Ռեջեփ Էրդողանն առողջական խնդիրներ ունի՝ երեք հիվանդություն․ Մեկը՝ էպիլեպսիան է, երկրորդը՝ դիաբետը և երրորդը՝ քաղցկեղը։ Այդ պատճառով, նրա դիտարկմամբ, Էրդողանի շուրջ հավաքված մարդիկ, կառույցնեը կարող են երկար չմնալ նրա կողքին։

Անդրադառնալով որպես քաղաքական գործիչ ընդդիմության գլխավոր թեկնածու Քըլըչդարօղլուի խառնվածքին՝ քաղաքագետն ընդգծել է․ «Քըլըչդարօղլուի քաղաքականության մեջ ազգայինից ավելի շատ պետականության գաղափարն է գերակշռում։ Քըլըչդարօղլուի ամենասիրած գիրքը Շևքեթ Սուրեյա Այդեմիրի «Ջուրը փնտրող մարդը» գիրքն է։ Սա շատ հետաքրքիր է, քանի որ Այդեմիրը եղել է պանթուրքիստ, հետո՝ սոցիալիստ-կոմունիստ, հետո որոշում է կայացրել լինել քեմալական։ Քըլըչդարօղլուի վրա մեծ ազդեցություն թողած երրորդ գիրքը՝ Յաշար Քեմալի «Ցախ Մեմեդը» գիրքն է։ Այսինքն այս երկու գրքերը կարևոր են նրա մտածողությունը հասկանալու համար։ Նա բյուրոկրատ է, հասկանում է, թե ինչ է պետությունը»։

ՀՀ ԳԱԱ ակադեմիկոս, թուրքագետ, պրոֆ․ Ռուբեն Սաֆրաստյանի դիտարկմամբ՝ արտաքին ուժերից ոչ մեկը, ո՛չ ԱՄՆ-ն, ո՛չ  Ռուսաստանը, ո՛չ էլ Եվրամիությունը շահագրգռված չեն, որ Թուրքիայում լինի անկայունություն։

«Ծանր ընտրություններ են սպասվում, սակայն Թուրքիան կկարողանա խուսափել բախումներից։ Եթե ընտրություններում պարտվի Քեմալ Քըլըչդարօղլուն, ապա կարծում եմ, որ չի գնա այնպիսի գործողությունների, որ կարող են վտանգել Թուրքիայի ապագան։ Էրդողանը, իմ պատկերացմամբ, փոքր-ինչ այլ՝ առավել արկածախնդիր կերպար է, պարտության դեպքում կփորձի քայլեր ձեռնարկել՝ վիճարկելու պարտությունը և դա հաղթանակի վերածելու։ Անյուամենայնիվ չեմ կարծում, որ նա երկիրը կտանի դեպի ապակայունացում»,-ընդգծեց պրոֆեսորը։

 

Աղբյուր`    Ermenihaber.am

Այս ենթաբաժնի վերջին նորությունները

Պոլսահայ գործիչը Ermenihaber.am-ի հետ զրույցում անդրադարձել է ՀՀ վարչապետի ստամբուլյան այցին
16:39, 23 հուն
Պոլսահայ գործիչը Ermenihaber.am-ի հետ զրույցում անդրադարձել է ՀՀ վարչապետի ստամբուլյան այցին

Նուրհան Չեթինքայայի կարծիքով՝ Սփյուռքի մշտական ճնշման պայմաններում վարչապետ Փաշինյանի այցը Թուրքիա մեծ համարձակություն էր պահանջում։

Շվեյցարահայ լրագրող․ Արցախի ժողովուրդը զրկվելով բոլոր կենսական ռեսուրսներից՝ դատապարտվեց մահվան
11:08, 30 ապր
Շվեյցարահայ լրագրող․ Արցախի ժողովուրդը զրկվելով բոլոր կենսական ռեսուրսներից՝ դատապարտվեց մահվան

Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։

Իրանի հոգևոր առաջնորդի խորհրդական. «Խաղաղության խաչմերուկը կարող է լուծել ՀՀ-ի և Ադրբեջանի խնդիրները»
15:05, 22 ապր
Իրանի հոգևոր առաջնորդի խորհրդական. «Խաղաղության խաչմերուկը կարող է լուծել ՀՀ-ի և Ադրբեջանի խնդիրները»

Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

PKK-ն այս պահին չի նախատեսում շարունակել զինաթափվելը
PKK-ն այս պահին չի նախատեսում շարունակել զինաթափվելը

«Քուրդիստանի բանվորական կուսակցության» խոսնակը գործընթացի հնարավոր շարունակականությունը կապել է Թուրքիայի գործողությունների հետ։

Սոցհարցում. 71 %-ը կողմ է, որ Թուրքիան միջուկային զենքի ստեղծի
Սոցհարցում. 71 %-ը կողմ է, որ Թուրքիան միջուկային զենքի ստեղծի

Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:

Ստամբուլի նախկին քաղաքապետը դատապարտվեց 1 տարի 8 ամիս ազատազրկման
Ստամբուլի նախկին քաղաքապետը դատապարտվեց 1 տարի 8 ամիս ազատազրկման

«Ահաբեկչական կազմակերպությանն աջակցելու» հոդվածի քրվարույթի շրջանակներում ձերբակալված ընդդիմադիր գործիչը դատապարտվել է բոլորովին այլ մեղադրանքով։

Թուրքիայում տարեցտարի նվազում է ծնելիության մակարդակը
Թուրքիայում տարեցտարի նվազում է ծնելիության մակարդակը

Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»

ԱՄՆ-ն ողջունում է քուրդ զինյալների զինաթափումը
ԱՄՆ-ն ողջունում է քուրդ զինյալների զինաթափումը

ՔԲԿ-ի զինյալների առաջին խումբը հուլիսի 11-ին էր Իրաքյան Քուրդիստանի Սյուլեյմանիե քաղաքում զենքերը հանձնել թուրքական կողմին։

լուսանկարներ

picture Անտառային հրդեհներ Թուրքիայի 23 նահանգներում

տեսանյութեր

picture Եպիսկոպոս Մաշալյանը հարցազրույց է տվել Ermenihaber.am-ին
Եղանակ

Օրացույց

Հարցումներ

Այս տարի կբացվի՞ հայ-թուրքական սահմանը 2 երկրների քաղաքացիների համար:

Այո0%
Ոչ0%
Չգիտեմ36.1%
Կբացվի ավելի ուշ63.9%

արտարժույթ

EURTRYUSD
549.8490.05485.12

ERMENİ HABER AJANSI

Հակիրճ ԵՎ ստույգ

  • Կայքի մասին
  • Կապ
  • Ցեղասպանություն
  • Ղարաբաղ
  • Ռազմական
  • Խոսք
  • Հոդված
  • Facebook
  • Youtube
  • Twitter
  • RSS
© Copyright EH ermenihaber.am 2015
Բոլոր իրավունքները պաշտպանված են
  • Facebook
  • Twitter
  • Youtube
  • RSS
{"core.poll.vote_empty":"core.poll.vote_empty"}