Հուլուսի Աքարն իշխող կուսակցության կողմից առաջադրվել է որպես պատգամավորի թեկնածու

Քաղաքական17:44, 13 Ապրիլ 2023

Հուլուսի Աքարն իշխող կուսակցության կողմից առաջադրվել է որպես պատգամավորի թեկնածու

Թուրքիայի պաշտպանության նախարար Հուլուսի Աքարը, ով իշխող «Արդարություն և զարգացում» (ԱԶԿ-AKP) կուսակցության կողմից առաջադրվել է որպես պատգամավորի թեկնածու, նախընտրական քարոզչություն է սկսել իր ծննդավայր Կայսերիում (Կեսարիա)։ Նա այցելել է Կայսերիի քաղաքապետարան, զրուցել լրագրողների հետ։

Աքարն, ի թիվս այլ թեմաների, հատուկ անդրադարձել է թուրքական զորքերի կողմից իրականացվող «ահաբեկչության դեմ պայքարին»՝ նկատի ունենալով Սիրիայի հյուսիսում քրդական ուժերի դեմ իրականացվող ռազմագործողությունները։

Վերջինս անուղղակիորեն թիրախավորել է նաև ընդդիմությանը՝ ակնարկելով նրանց կապը քրդամետ «Ժողովուրդների դեմոկրատական կուսակցության» հետ, որին իշխանությունները բազմիցս մեղադրել են «Քրդստանի բանվորական կուսակցություն» (ՔԲԿ-PKK) ռազմաքաղաքական կազմակերպության հետ սերտ կապեր ունենալու մեջ։

«Մենք դեմ ենք նրանց, ովքեր չեն կարողանում հեռու մնալ ահաբեկչությունից: Նրանք մեզ հետ կապ չունեն:

Մեր ազգը կզգա, կտեսնի PKK-ի հետ համագործակցող քաղաքական կազմակերպություններին ու կառույցներին և նրանց հետ դաշինք կազմողներին»,-ասել է Աքարը։

Աղբյուր` Anadolu

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: