Պոլսո հայոց պատրիարքարանը հաղորդագրություն է տարածել երկրաշարժի վերաբերյալ

Հասարակական16:39, 06 Փետրվար 2023

Պոլսո հայոց պատրիարքարանը հաղորդագրություն է տարածել երկրաշարժի վերաբերյալ

«Այսօր վաղ առավոտյան Պատրիարքական Աթոռը պատրիարքական փոխանորդ Գրիգոր Ավագ Քահանայի և Տրդատ Ավագ Քահանայի միջոցով կապ է հաստատել այն շրջանների հետ, որտեղ կան հայկական եկեղեցիներ ու համայնքներ։ Փոխանցվել են Նորին Ամենապատվության օրհնություններն ու ցավակցությունները։

Ստացված առաջին տեղեկությունները տրվում են ստորև։ Առաջիկայում ստացված մանրամասները ևս կհաղորդվեն։

ՄԱԼԱԹԻԱ

Մեր համայնքի անդամ ընտանիքներից մեկում բնակարանի ձլուզման պատճառով մահ է գրանցվել։

ԷԼԱԶԸՂ (Խարբերդ)

Քաղաքում ավերված շենքեր կան։ Համայնքի անդամները թեև վախեցած են, սակայն զոհ չկա։

ԴԻԱՐԲԵՔԻՐ (Տիգրանակերտ)

Ինչպես հայտնում է Հովհաննես Գաֆֆուրը, հայկական եկեղեցին վնաս չի կրել։ Քաղաքում, սակայն, ավերված շենքեր կան։

ԻՍՔԵՆԴԵՐՈՒՆ (Ալեքսանդրետ)

Տեր Ավետիս Քահանայից ստացված տեղեկության համաձայն՝ քաղաքի կենտրոնոմ առկա են վնասված շենքեր։ Լատին Կաթոլիկ եկեղեցին փլուզվել է։ Սրբոց Քառասուն Մանկունք եկեղեցին ևս վնասվել է։ Անձի կորստի մասին որևէ տեղեկություն չկա։

ՎԱՔԸՖՔՅՈՅ (Թուրքիայի միակ հայկական գյուղը)

Մտահոգվելու կարիք չկա, իրավիճակը նորմալ է։

ՍԸՎԱԶ (Սեբաստիա)

Երկրաշարժը թեև զգացվել է, և համայնքի անդամները վախեցած են, սակայն անձի և գույքի վնաս չկա։

ԿԵՍԱՐԻԱ

Չնայած երկրաշարժը զգացվել է, Սուրբ Գրիգոր Լուսավորիչ եկեղեցին որևէ վնաս չի կրել»։

Արդեն հայտնի է դարձել, որ զոհերից Մալաթիայում 2-ւ, իսկ Հալեպում 4-ը եղել են ազգությամբ հայ։

Աղբյուր` Agos