Թուրքիայի քրդամետ կուսակցությունը դիմել է Սահմանադրական դատարան

Քաղաքական15:06, 26 Հունվար 2023

Թուրքիայի քրդամետ կուսակցությունը դիմել է Սահմանադրական դատարան

Թուրքիայի քրդամետ «Ժողովուրդների դեմոկրատական» կուսակցությունն (ԺԴԿ-HDP) անցյալ շաբաթ Սահմանադրական դատարան է դիմել՝ պահանջելով, հետաձգել կուսակցության փակման հարցով սկսված դատական գործընթացը: Նրանք պահանջել են, որ դատական գործընթացը շարունակվի մայիսին կայանալիք նախագահական և խորհրդարանական ընտրություններից հետո միայն։ Սակայն Սահմանադրական դատարանը միաձայն մերժել է կուսակցության դիմումը։

Կուսակցությունը իր գանձապետական հաշիվները արգելափակելու համար նշանակված դատի պաշտպանությանը պատրաստվելու համար 2 ամիս ժամանակ էր խնդրել, բայց դատարանը վճռել է փոխարենը տալ 15 օր։

Սահմանադրական դատարանի գլխավոր խորհրդի կողմից հաշիվների արգելափակման վերաբերյալ որոշումը կրկին կդրվի քննարկման։

Հիշեցնենք, որ կուսակցության գործունեության դադարեցման վերաբերյալ դատական գործընթացները շարունակվում են մոտ 2 տարի։ Այն մեղադրվում է «ազգ–պետություն անքակտելի միասնությունը մասնատելու, ոչնչացնելու նպատակ հետապնդելու», ինչպես նաև Թուրքիայում ահաբեկչական համարվող «Քուրդիստանի բանվորական» կուսակցության (ՔԲԿ-PKK) հետ կապեր ունենալու և համագործակցելու մեջ։

Թուրքիայում քրդամետ կուսակցության նկատմամբ բռնաճնշումները հատկապես մեծ թափ առան ռազմական հեղաշրջման փորձից հետո:

Աղբյուր` Trthaber

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։