Թուրքիան պահանջել է ազատ արձակել ՌԴ-ում բանտարկված Ղրիմի թաթարներին

Քաղաքական12:52, 12 Հունվար 2023

Թուրքիան պահանջել է ազատ արձակել ՌԴ-ում բանտարկված Ղրիմի թաթարներին

Թուրքիայի արտգործնախարարությունը հայտարարություն է տարածել՝ Ռուսաստանից պահանջելով ազատ արձակել ահաբեկչական բջիջ հիմնելու ու իշխանության զավթումը նախապատրաստելու մեղադրանքով դատապարտված Ղրիմի 5 թաթարնեին:

Հայտարարության մեջ նշվում է, որ թուրքական կողմին մտահոգում է իրենց ազգակից Ղրիմի թաթարներ Ջեմիլ Գաֆարովի, Սերվեթ Գազիևի, Էրֆան Օսմանովի, Ալիմ Կարիմովի, ու Սեյրան Մուրթազայի 13-ական տարվա ազատազրկումը:

«Մենք ակնկալում ենք, որ անհրաժեշտ քայլեր կձեռնարկվեն՝ ապահովելու Ղրիմում քաղաքական դրդապատճառներով բանտարկված մեր բոլոր հայրենակիցների, այդ թվում Ղրիմի թաթարների մեջլիսի փոխնախագահ Ներիման Ջելալի, Ասան Ահմեդովի ու Ազիզ Ահմեդովի ազատ արձակումն ու իրենց ընտանիքներին վերամիավորումը»,- ասված է հայտարարության մեջ:

Նշենք, որ նախօրեին Ռուսաստանի Դոնի Ռոստով քաղաքի զինվորական դատարանը դեռևս 2019-ին Սիմֆերոպոլում ձերբակալված 5 անձանց դատապարտել է 13-ական տարվա ազատազրկման:

Աղբյուր` TRT Haber

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: