Միջազգային13:18, 06 Հուլիս 2022
Թուրքիայի և Իտալիայի միջև կնքվել է համագործակցության 9 պայմանագիր
Իտալիայի վարչապետ Մարիո Դրագիի` Թուրքիա կատարած պաշտոնական այցի շրջանակներում կնքվել է թուրք-իտալական համագործակցության 9 պայմանագիր։ Դրանք ստորագրվել են Թուրքիայի նախագահ Ռեջեփ Թայիփ Էրդողանի և Մարիո Դրագիի նախագահությամբ ընթացած միջկառավարական գագաթնաժողովի նիստից հետո։
Նշվում է, որ նման նիստ վերջին 10 տարում առաջին անգամ է անցկացվում։
Ըստ Թուրքիայի նախագահականի տարածած տեղեկության՝ կողմերը փոխըմբռնման հուշագիր են ստորագրել քաղաքացիական պաշտպանության ոլորտում համագործակցելու վերաբ։երյալ։
Թուրքիայի արդյունաբերության և տեխնոլոգիաների նախարար Մուստաֆա Վարանքը և Իտալիայի արտաքին գործերի և միջազգային համագործակցության նախարար Լուիջի Դի Մայոն ստորագրել են պայմանագիր գիտական և տեխնոլոգիական համագործակցության 2023-2025թթ.ծրագրի նորացման մասին։
Միկրո, փոքր և միջին ձեռնարկությունների ոլորտում համագործակցելու վերաբերյալ փոխըմբռնման հուշագիր է կնքվել Թուրքիայի արդյունաբերության և տեխնոլոգիաների նախարարության և Իտալիայի տնտեսական զարգացման նախարարության միջև։
Երկու երկրների պաշտպանության նախարարները համաձայնագիր են ստորագրել Թուրքիայի և Իտալիայի կառավարությունների միջև ռազմապաշտպանական բնույթի գաղտնի տեղեկատվության փոխադարձությունն ապահովելու մասին։
Ներքին գործերի նախարարները վարորդական վկայականների փոխադարձ ճանաչման մասին համաձայնագիրն են կնքել։ Իսկ արտգործնախարարները քաղաքական խորհրդակցությունների և դիվանագետների պատրաստման ոլորտում համագործակցության մասին փոխըմբռնման հուշագրեր են ստորագրել։
Այս ենթաբաժնի վերջին նորությունները
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |