Թուրքիայում հասարակության 59%-ը չի հավատում Էրդողանին

Հասարակական18:00, 20 Հունիս 2022

Թուրքիայում հասարակության 59%-ը չի հավատում Էրդողանին

Թուրքիայում իշխող «Արդարություն և զարգացում» կուսակցության (ԱԶԿ-AKP) ընտրողների 43.5%-ը և «Գորշ գայլեր» ահաբեկչական կազմակերպության քաղաքական թև համարվող «Ազգայնական շարժում» կուսակցության (MHP-ԱՇԿ) ընտրողների 56.4%-ը նշել են, որ չեն կարծում, որ Գեզիի ցույցերի ժամանակ մզկիթ է այրվել։

Թուրքիայի նախագահ Ռեջեփ Թայիփ Էրդողանը կուսակցական ժողովներից մեկի ընթացքում խոսելով Գեզիի ցույցերի մասին ասել է. «Այս մտածողությունից ոչինչ դուրս չի գա: Նրանք այրել են մեր ոստիկանական մեքենաները, մեր մզկիթները»:

Այս հայտարարությունից հետո Թուրքայում սոցիոլոգիական հարցումներ են անկացրել պարզելու համար, թե հասարակության քանի տոկոսն է հավատում, որ Գեզիի ցուցարարները մզկիթ են այրել:

Հետազոտությունն անցկացվել է հունիսի առաջին շաբաթվա ընթացքում 1500 մարդու հետ ամբողջ Թուրքիայում՝ օգտագործելով համակարգչային օգնությամբ հեռախոսային հարցազրույցի (CATI) մեթոդը։ Մինչ մասնակիցների 59 տոկոսը նշել է, որ չի կարծում, որ Գեզի այգու բողոքի ցույցերի ժամանակ մզկիթ է այրվել, նրանց թիվը, ովքեր կարծում էին, որ մզկիթ է այրվել, կազմել է 16%։

Ըստ «Cumhuriyet»-ի լրագրող Դիլան Այըրքանի՝ հետազոտության մեկ այլ ակնառու արդյունքն այն է, որ հարցմանը մասնակցած ԱԶԿ կուսակցության ընտրողների 43.5%-ը և MHP-ի ընտրողների 56.4%-ը նշել են, որ չեն կարծում, որ Գեզիի ցույցերի ժամանակ մզկիթներ են այրվել։

«Թուրքիայի զեկույց» կազմակերպության տնօրեն Ջան Սելչուքին մեկնաբանել է հարցման արդյունքները։ Նա նշել է, որ կառավարությունը փորձում է որոշակի հարցերի շուրջ ընդդիմությանը փորձել վարկաբեկել, քանի որ տնտեսությունը շարունակում է անկում ապրել և նման թեմաների միջոցով իշխանությունը ձգտում է իր վարկանիշը պահպանել:

Աղբյուր` www.gazeteduvar.com.tr

Այս ենթաբաժնի վերջին նորությունները

18:33, 21 օգոս

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: