Թուրքիայում հայ երգչուհուն բացասաբար արձագանքած թուրք փոխտնօրենը շահել է դատը

Իրավական18:02, 10 Մայիս 2022

Թուրքիայում հայ երգչուհուն բացասաբար արձագանքած թուրք փոխտնօրենը շահել է դատը

Թուրքիայի Ադանայի նահանգի Քոզան (պատմ. Սիս) բնակավայրում գտնվող կրթական հաստատություններից մեկի փոխտնօրեն Թուրքիայի քաղաքացին ազատվել էր աշխատանքից սոցցանցում կեղծ օգտատիրոջ էջից պոլսաբնակ հայ երգչուհու հասեցին բացասական մեկնաբանություններ գրելու պատճառով:

Սակայն տվյալ կրթական հասատատության ղեկավար Մեհմեթ Սեզերը հայտնել է, որ իրենք փաստաբանների օգնությամբ դիմել են դատարան, աշխատանքից ազատված ուսուցչի իրավունքերը պաշտպանելու համար ու շահել են դատը:

Մեհմեթ Սեզերը նշել է, որ այդ հայ երգչուհին Հայոց ցեղասպանության եղելությունը պաշտպանող գրառումներ է կատարել (երգչուհու անունը չի նշվում - խմբ.)։ Սեզերն այդ կերպ փորձել է արդարացնել իրենց աշխատակցի վարքագիծը:

Նշենք, որ այս դեպքը տեղի է ունեցել երկու տարի առաջ և միայն այժմ է հրապարակվել այդ գործով դատավճիռը, որով հայ երգչուհու հասցեին բացասական մեկնաբանություններ արած թուրք ուսուցիչն արդարացվել է, քանի որ վճռաբեկ դատարանը համարել է, որ նրա իրավունքները ոտնահարվել են:

Աղբյուր` haberler33.com

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։