Քաղաքական15:39, 02 Մայիս 2022
Թուրք ընդդիմադիր գործիչը՝ Էրդողանին․«Տնտեսության ճգնաժամի պատճառը ձեր ապաշնորհությունն է»
Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) խոսնակ Ֆայիք Օզթրաքը քննադատաբար է արձագանքել երկրում տիրող դժգոհության մասին Թուրքիայի նախագահ, իշխող «Արդարություն և զարգացում» կուսակցության (ԱԶԿ-AKP) առաջնորդ Ռեջեփ Թայիփ Էրդողանի խոսքերին։
Թուզլայում իսլամական իֆթարի արարողության շրջանակում ունեցած ելույթում Էրդողանը, անդրադառնալով երկրի տնտեսական վիճակին, նշել էր․ «Ցավոք, մեր երկրում որոշ հատվածների շրջանում անգոհունակություն, անբավարարվածություն, վատատեսություն է տիրում։ Այդուհանդերձ նախ գոհություն ենք հայտնելու մեր ունեցածի, իսկ հետո աշխատելու ենք ավելի լավի, ավելի գեղեցիկի համար»։
Իֆթար - հյուրասիրություն, ընթրիք՝ մահեմադական ծոմապահությունից դուրս գալու համար։
Twitter-ում արձագանքելով Էրդողանի այս խոսքերին՝ Օզթրաքն ակնարկել է, որ տնտեսական ճգնաժամի պատճառը երկրի իշխանությունների ապաշնորհությունն է։
«Տնտեսության մեջ ճգնաժամի պատճառը ո՛չ անգոհունակությունն է, ո՛չ անբավարարվածությունը, ո՛չ էլ վատատեսությունը… Տնտեսության մեջ ճգնաժամի պատճառն ապաշնորհությունն է, անձեռնահասությունը, անկարողությունը»,- դժգոհել է ընդդիմադիր գործիչը՝ միաժամանակ ակնարկելով, որ իշխանություններին քիչ է մնացել, հեռացվելու են ազգի կողմից։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |