Քաղաքական21:46, 23 Ապրիլ 2022
Էրդողանի կուսակցության խոսնակը հայ պատգամավորից պահանջել է ներողություն խնդրել թուրք ազգից
Թուրքիայում իշխող «Արդարություն և զարգացում» (AKP-ԱԶԿ) կուսակցության մամուլի խոսնակ Օմեր Չելիքը Twitter-ում արձագանքել է Թուրքիայի քրդամետ, ընդդիմադիր «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանի կողմից խորհրդարան ներկայացված Հայոց ցեղասպանությունը ճանաչելու առաջարկին։
«Մենք մերժում և խստորեն դատապարտում ենք 1915թ.-ին Օսմանյան կայսրությունում տեղի ունեցած իրադարձությունների վերաբերյալ Թուրքիայի ազգային մեծ ժողովի պատգամավոր հանդիսացող անձի առաջարկը, որը հիմնված է պատմական և իրավական հենքերից զուրկ անհիմն ու դատարկ պնդումների վրա»:
Չելիքը նաև կրկնել է Թուրքիայի նախագահի հիմնազուրկ պնդումներն արխիվները բացելու և հարցը պատմաբաններին թողնելու մասին:
«Այս առաջարկը սաբոտաժի փորձ է՝ ընդդեմ Թուրքիայի և Հայաստանի միջև սկսված կարգավորման գործընթացի, որին աջակցում է Ադրբեջանը»,- գրել է Չելիքը՝ պնդելով, թե Փայլանը պետք է ներողություն խնդրի թուրք ազգից: Նա նաև սպառնացել է, որ իրավական գործողություններ կսկսեն այս հարցով:
Հիշեցնենք, որ Փայլանն այս տարի ևս ապրիլի 24-ի նախօրեին Հայոց ցեղասպանության ճանաչման օրինագիծ է ներկայացրել Թուրքիայի ազգային մեծ ժողով (ԹԱՄԺ-TBMM)։
Այս ենթաբաժնի վերջին նորությունները
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Օրակարգում են երկու երկների միջև ուղիղ բախման վտանգի կանխումն ու Սիրիայում Թուրքիայի կողմից իրականացվող գործողությունները:
Թուրքիայի նախագահը հեռախոսազրույց է ունեցել Պակիստանի վարչապետի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |