Քաղաքական18:04, 18 Ապրիլ 2022
Թուրքիայում 6 ընդդիմադիր կուսակցություն կշարունակեն համագործածկել իշխող դաշինքի դեմ
Թուրքիայի գլխավոր ընդդիմադիր քեմալական «Ժողովրդահանրապետական» (CHP-ԺՀԿ) կուսակցության նախագահի գլխավոր խորհրդական Էրդողան Թոփրաքը խոսել է առաջիկա ընտրություններում ընդդիմադիր 6 կուսակցության համագործակցության հեռանկարների մասին:
Թոփրաքը նշել է, որ իշխանություններն ամեն ինչ անում են ընդդիմադիր կուսակցությունների վեցակողմ համագործակցությունը ձախողելու համար: Վերջինս նման քայլ է որակել նաև իշխող դաշինքի նախաձեռնած ընտրական օրենսգրքի առաջիկա փոփոխությունները, որոնք ըստ ընդդիմադիր գործչի՝ միտված են իշխանական դաշինքի համար ավելի նպաստավոր պայմաններ ստեղծել 2023-ին նախատեսված նախագահական ու խորհրդարանական ընտրություններում:
Թոփրաքն ասել է նաև, որ իրենց ընտրական փորձը կբավականացնի ընտրական օրենսգրքի նոր փոփոխություններն իրենց օգտին ծառայեցնելու համար ու հավելել, որ ի հեճուկս իշխանությունների ջանքերին՝ ընդդիմադիրների վեցակողմ ձևաչափով համագործակցությունը ճաքեր չի տալու, քանի որ բոլոր կողմերի մոտ էլ առկա նույն կարևոր մտահոգությունը՝ երկիրը վատ է կառավարվում. ձախողվել են իրավական պետությունը, տնտեսությունը և ընտանեկան անդօրրը:
Հիշեցնենք, որ 6 ընդդիմադիր կուսակցությունների առաջնորդները «Ամրապնդված խորհրդարանական համակարգի» համատեղ առաջարկ էին ընդունել՝ հաջորդ ընտրություններում հաղթելու դեպքում նախագահի լիազորությունները կրճատելու և խորհրդարանի դերն ուժեղացնելու մասին:
Փաստաթուղթը ստորագրել էին ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն, աջ կենտրոնամետ İYİ («Լավ») կուսակցության առաջնորդ Մերալ Աքշեները, իսլամիստական «Երջանկություն» (Saadet) կուսակցության առաջնորդ Թեմել Քարամոլլաօղլուն, «Ժողովրդավարություն և առաջադիմություն» կուսակցության (DEVA) առաջնորդ Ալի Բաբաջանը, «Ապագա» (Gelecek) կուսակցության ղեկավար Ահմեթ Դավութօղլուն, և «Դեմոկրատական կուսակցության» (DP) առաջնորդ Գյուլթեքին Ույսալը։
Հուշագիրը սահմանում է կողմերի գործողություններն անցումային շրջանում, եթե առաջիկա ընտրություններում Էրդողանը և նրա «Արդարություն և զարգացում» կուսակցությունը պարտվեն։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |