Քաղաքական11:23, 15 Ապրիլ 2022
Անկարան կոշտ է արձագանքել Թուրքիայում մարդու իրավունքների մասին ԱՄՆ-ի զեկույցին
Թուրքիայի արտգործնախարարությունը գրավոր հայտարարություն է տարածել, որում անընդունելի է համարել ԱՄՆ-ի պետքարտուղարության կողմից կազմած Մարդու իրավունքների մասին զեկույցում Թուրքիային առնչվող գնահատականները:
Հայտարարության մեջ նշվել է, որ ինչպես այս թեմայով ԱՄՆ-ի նախկին զեկույցներին, այս զեկույցին ի պատասխան թուրքական կողմը հայտարարում է, որ երկրում առկա է բավարար կամք մարդու իրավունքների պաշտպանության ու զարգացման ուղղությամբ:
Ավելին, Անկարան Վաշինգտոնին կոչ է արել մարդու իրավունքների հարցում կենտրոնանալ հենց ԱՄՆ-ում տիրող իրավիճակի վրա և վերջ դնել ահաբեկչության դեմ պայքարի անվան տակ մեկ այլ ահաբեկչական կազմակերպության շոշափուկների (նկատի է առնվում Սիրիայի քրդական կազմակերպություններին, որոնց Անկարան համարում է «Քուրդիստանի բանվորական կուսակցության» (PKK-ՔԲԿ) ճյուղավորումներ) հետ համագործակցությանը:
Նշենք, որ ԱՄՆ-ի պետքարտուղարության հրապարակած զեկույցում նշվել էր Թուրքիայիում տեղի ունեցող մարդու իրավունքների բազմաթիվ խախտումների մասին:
Հիշատակվել էին Թուրքիայի Բողազըջը համալսարանում 2021թ.-ին տեղի ունեցած բողոքի ակցիաները և դրան հաջորդած մասսայական ձերբակալությունները:
Նշվել է, որ առ այսօր կալանավորված է մնում Հայոց ցեղասպանությունը ճանաչող թուրք իրավապաշտպան Օսման Քավալան, Թուրքիայի քրդամետ կուսակցության համանախագահ Սելահաթթին Դեմիրթաշը, ինչպես նաև այլ ընդդիմադիր գործիչներ:
Զեկույցում խոսվել էր Թուրքիայում մամուլի և խոսքի ազատության վատթար վիճակի, մասնավորապես մի շարք անկա լրագրողների ձերբակալությունների ու խոսքի ազատության սահմանափակումների մասին։
Այս ենթաբաժնի վերջին նորությունները
15:51, 08 մայ
Էրդողան. «ՔԲԿ-ն այսօր-վաղը զենքերը վայր կդնի»
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
13:55, 08 մայ
Բաքվում թուրք-իսրայելական բանակություններ կկայանան
Օրակարգում են երկու երկների միջև ուղիղ բախման վտանգի կանխումն ու Սիրիայում Թուրքիայի կողմից իրականացվող գործողությունները:
11:20, 08 մայ
Էրդողանը համերաշխություն է հայտնել Պակիստանին
Թուրքիայի նախագահը հեռախոսազրույց է ունեցել Պակիստանի վարչապետի հետ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Եղանակ
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
Այո0%
Ոչ0%
Չգիտեմ36.1%
Կբացվի ավելի ուշ63.9%
արտարժույթ
| EUR | TRY | USD |
| 549.84 | 90.05 | 485.12 |