Քաղաքական12:50, 29 Մարտ 2022
Էրդողանը Մակրոնին խնդրել է միջնորդել ԱՄՆ պատժամիջոցների վերացման համար
Թուրքիայի նախագահ Ռեջեփ Թայիփ Էրդողանը Բրյուսելում անցկացված ՆԱՏՕ-ի անդամ երկրների ղեկավարների արտահերթ գագաթնաժողովի ընթացքում Ֆրանսիայի նախագահ Էմանուել Մակրոնին խնդրել է միջնորդել, որպեսզի Վաշինգտոնը վերացնի Թուրքիայի դեմ կիրառվող պատժամիջոցները:
Այս մասին հայտնել է ամերիկաբնակ թուրք լրագրող Ամբերին Զամանը՝ հղում անելով իր դիվանագիտական աղբյուրներին:
Նա, անդրադառնալով ՆԱՏՕ-ի գագաթնաժողովի ընթացքում Էրդողանի երկկողմ հանդիպումների օրակարգին, նշել է, որ թեև թուրքական կողմի հսկայական ջանքերին, այդպես էլ չի հաջողվել հանդիպում կազմակերպել ԱՄՆ նախագահ Ջո Բայդենի հետ:
Զամանի դիտարկմամբ՝ թեև հանդիպումը չի կայացել Բայդենի հագեցած օրակարգի պատճառով, սակայն իրական պատճառն այն է, որ Թուրքիան չի հրաժարվում ռուսական S-400 զենիթահրթիռային համակարգերից, որոնք, ըստ ԱՄՆ-ի, սպառնալիք են ՆԱՏՕ-ի անվտանգությանը: Զամանը հիշեցրել նաև, որ այս գործարքի հետևանքով Թուրքիան զրկվել է ամերիկյան F-35 կործանիչներից և հեռացվել դրանց արտադրության ծրագրից։ Բացի այդ, Թուրքիան հայտնվել է պաշտպանական արդյունաբերության ոլորտում որոշակի պատժամիջոցների տակ:
Հոդվածի հեղինակը նշում է, որ Թուրքիան պատժամիջոցների վերացման հարցը շարունակաբար քննարկում է ՆԱՏՕ-ի անդամ գործընկերների հետ, փորձում վերջիններիս օգնությամբ Վաշինգտոնին համոզել վերացնել պատժամիջոցները:
Ըստ Զամանի դիվանագիտական աղբյուրների՝ պատժամիջոցների վերացման հարցին Էրդողանն անդրադարձել է նաև Ֆրանսիայի նախագահ Մակրոնի հետ հանդիպման ժամանակ՝ խնդրելով միջնորդել ԱՄՆ-ի նախագահի առջև:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |