Ռուս միլիարդատեր Աբրամովիչը ներկա է եղել ռուս-ուկրաինական բանակցություններին Ստամբուլում

Քաղաքական19:01, 29 Մարտ 2022

Ռուս միլիարդատեր Աբրամովիչը ներկա է եղել ռուս-ուկրաինական բանակցություններին Ստամբուլում

Ստամբուլում ռուս–ուկրաինական պատվիրակությունների հանդիպումից առաջ Թուրքիայի նախագահ Ռեջեփ Թայիփ Էրդողանը կարճ հանդիպում է ունեցել ռուս միլիարդատեր Ռոման Աբրամովիչի հետ։ Ստամբուլի Դոլմաբահչե պալատում կայացած հանդիպմանը ներկա են եղել Թուրքիայի Թուրքիայի արտգործնախարար Մևլութ Չավուշօղլուն և Էրդողանի մամուլի խոսնակ Իբրահիմ Քալընը:

Ռուսական և արևմտյան մամուլում լուրեր են շրջանառում այն մասին, որ ռուս միլիարդատերը հանդիսանում է Ուկրաինայի և ՌԴ–ի միջև ոչ պաշտոնական միջնորդներից մեկը։

Հանդիպումից հետո Ուկրաինայի պատվիրակության անդամները հայտնել են, որ քննարկվել է Ուկրաինայի անվտանգության միջազգային երաշխիքների հարցը։ Երաշխավոր հանդիսացող երկրներն ագրեսիայի դեպքում պետք է Ուկրաինային ռազմական օգնություն ցույց տան։ Միջազգային երաշխիքներն առաժմ չեն տարածվի և Ուկրաինայի վերահսկողություից դուրս գտնվող Ղրիմի և Դոնբասի վրա։

Կիևը համաձայնել է չեզոք, ոչ միջուկային կարգավիճակի հետ, Ուկրաինայի տարածքում չեն տեղակայվի արտասահմանյան ռազմական բազաներ։

Ուկրաինան պիտի տա երաշխիքներ, որ 15 տարի չի փորձի վերադարձնել Ղրիմը ռազմական ճանապարհով, այդ ընթացքում բանակցությունները կանցկացվեն թերակղզու կարգավիճակի հարցով։ Իսկ Դոնեցկի և Լուգանսկի հարցը առաջարկվում է լուծել Ուկրաինայի և Ռուսաստանի նախագահների ուղիղ բանակցությունների միջոցով։

Աղբյուր` Ermenihaber.am

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: