Քաղաքական17:10, 16 Մարտ 2022
«ՀԱՄԱՍ-ին աջակցել, թե Իսրայելի հետ համագործակցել» երկընտրանքի դեպքում Թուրքիան կարող է ընտրել 2-րդը
«France-Presse» (Ֆրանսպրես) hեղինակավոր գործակալությունը վերլուծել է Թուրքիայի և պաղեստինյան ՀԱՄԱՍ շարժման հարաբերություններն Անկարա-Թել Ավիվ մերձեցման համատեքստում։ Հոդվածի կարևոր հատվածները փոխանցում է Euronews-ի թուրքական ծառայությունը։
Վերլուծականում նշվել է, որ ՀԱՄԱՍ-ը մտահոգությամբ է ընդունել նախորդ շաբաթ Իսրայելի նախագահ Իցխակ Հերցոգի՝ Թուրքիա կատարած այցը, մինչդեռ ըստ որոշ մասնագետների՝ Անկարա-Թել Ավիվ մերձեցումը ՀԱՄԱՍ-ի համար «հույսի աղբյուր է, թեև թույլ»։
Ընդգծվել է, որ որպես Պաղեստինի ջերմեռանդ պաշտպան՝ Թուրքիայի նախագահ Ռեջեփ Թայիփ Էրդողանն աջակցում է ՀԱՄԱՍ-ին, որը վերահսկում է Գազայի շրջանը։ Շեշտվել է, որ Իսրայելի, ԵՄ-ի և ԱՄՆ-ի կողմից ահաբեկչական ճանաչված ՀԱՄԱՍ շարժումը դիտարկվում է որպես «Անկարայի ամենամեծ դաշնակիցներից մեկը»։
«ՀԱՄԱՍ-ը քննադատել է Իցխակ Հերցոգի այցը, սակայն չի հանդիմանել իր թուրք դաշնակցին»,- նշվում է հոդվածում և ուշադրություն հրավիրվում այն հանգամանքի վրա, որ ՀԱՄԱՍ-ի բարձրաստիճան պաշտոնյաները՝ այդ թվում Սալեհ ալ-Արուրը, հաճախ են հյուրընկալվում Թուրքիայում։
Ֆրանսպրեսի հետ զրույցում ՀԱՄԱՍ-ի բարձրաստիճան պաշտոնյաներից մեկն ասել է, որ իրենք ցանկանում են լավ և հավասարակշռված հարաբերություններ ունենալ արաբական և մուսուլման երկրների՝ հատկապես Թուրքիայի հետ։ Պաշտոնյան միաժամանակ հույս է հայտնել, որ Թուրքիան պաղեստինցիներին կամ ՀԱՄԱՍ-ին արտաքսելու, նրանց գործունեությունը սահամանափակելու հարցում կդիմանա Իսրայելի ճնշմանը։
Հոդվածի հեղինակը նշում է, որ Թուրքիան տնտեսական պատճառներով կմեծացնի համագործակցությունն Իսրայելի հետ։ ՀԱՄԱՍ-ին աջակցելու, թե Իսրայելի հետ համագործակցելու երկընտրանքի դեպքում Թուրքիան կարող է ընտրել երկրորդը, քանի որ դեմ հանդիման է լիրայի արժեզրկմանը և ներքին տնտեսական ճգնաժամին։
Գազայի Ալ-Ազհար համալսարանի քաղաքագետ, պրոֆեսոր Նաջի Շուրաբն էլ Ֆրանսպրեսի հետ զրույցում տեսակետ է հայտնել, որ ՀԱՄԱՍ-ը կարող է օգուտ քաղել Անկարա-Թել Ավիվ մերձեցումից։ Շուրաբի կարծիքով՝ Անկարան կարող է ճնշում գործադրել Իսրայելի վրա Գազայի շրջափակման մեղմացման հարցում։
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |