Տնտեսական17:54, 04 Մարտ 2022
Թուրք լրագրող․ Էրդողանն օգուտ կքաղի՞ Ուկրաինայի ճգնաժամից
Թուրք գրող, լրագրող Մուրադ Յեթքինը մեկնաբանել է Թուրքիայում գլխավոր ընդդիմադիր քաղաքական ուժ համարվող «Ժողովրդահանրապետական» կուսակցության (ԺՀԿ-CHP) անդամ Էրդողան Թոփրաքի` օրերս արած հայտարարությունն Ուկրաինայի ճգնաժամից Թուրքիայի հնարավոր օգուտների մասին։
«Երկրի համար շատ լավ կլինի, որ Ռուսաստանից փախչող ներդրումները գան Թուրքիա։ 2001-ին Աֆղանստանին մեր աջակցությունից հետո եկած ներդրումները դեր խաղացին ճգնաժամից դուրս գալու հարցում։ Սակայն հիմա ընկալում կա, որ Ռեջեփ Թայիփ Էրդողանը երկիրը հեռացնում է իրավական պետությունից։ Հիմնական ներդրողները կարող են սպասել այս իրավիճակի փոփոխմանը»,-նշել էր Թոփրաքը։
Յեթքինը, անդրադառնալով այս խոսքերին, ընդգծել է, որ իրականում դա այն է, ինչ ուզում են հարցնել ընդդիմադիր բոլոր կուսակցությունները՝ «Արդյո՞ք Ուկրաինայի ճգնաժամն օգուտ կտա Էրդողանին»։
Թուրք լրագրողը նշել է, որ այդ ճգնաժամը ստիպել է միջազգային լոբբիին հիշել Թուրքիայի աշխարհաքաղաքական կարևորության մասին։ Ընդգծել է, որ Անկարան նուրբ բանաձևերով փակել է ռուսական ռազմանավերի առջև նեղուցները, պարզ երևացել է Ուկրաինային վաճառված բայրաքթարների խաղացած դերն ուկրաինական կառավարության դիմադրության մեջ, իսկ մյուս կողմից, Թուրքիան, օդային տարածքը չփակելով Ռուսաստանի առջև և չմիանալով տնտեսական պատժամիջոցներին, ցույց է տվել, որ չի ուզում խզել կապերը Ռուսաստանի հետ։
Լրագրողը հանգել է եզրակացության, որ Ռուսաստանը լքող ներդրողները կցանկանան գալ Թուրքիա կամ առնվազն տեղափոխել իրենց կապիտալը Թուրքիայով, բայց նրանց կարող է մտածելու առիթ տալ այն, որ երկիրը հեռացել է իրավական պետության և ժողովրդավարության սկզբունքներից։
Ըստ Յեթքինի՝ Թայիփ Էրդողանի քաղաքական ընդդիմությանը նաև հետաքրքրում է այն հարցը, թե արդյոք երկիր հոսող արտաքին կապիտալն Էրդողանը կօգտագործի տնտեսական ճգնաժամից դուրս գալու և 2023-ի ընտրություններում առավելություն ստանալու համար։
Այս ենթաբաժնի վերջին նորությունները
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Ապրիլի 24-ին Վաշինգտոնում հանդիպել են Թուրքիայի ֆինանսների և ԱՄՆ-ի գանձապետարանի նախարարներ Մեհմեդ Շիմշեքն ու Սքոթ Բեսենթը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |