Քաղաքական13:46, 02 Մարտ 2022
Էրդողանի խոսնակ. «Բանակցություններում Ռուսաստանն անիրատեսական պահանջներ է դնում»
Թուրքիայի նախագահի խոսնակ և գլխավոր խորհրդական Իբրահիմ Քալընը խոսել է ռուս-ուկրաինական հակամարտության, կողմերի բանակցությունների և ռուս-թուրքական անհամաձայնությունների մասին:
Նա նշել է, որ Ռուսաստանի և Ուկրաինայի բանակցությունների 2-րդ փուլը, որը սպասվում է մարտի 2-ին, մեծ հավանականությամբ հնարավոր չի լինի կազմակերպել, քանի որ սպասվում է ռազմական գործողությունների սրացում:
«Մեծ հավանականությամբ կարող է 1-2 օր հետաձգվել: Մենք կապի մեջ ենք պատվիրակությունների հետ»,- ասել է Քալընը՝ ավելացնելով, որ բանակցությունները չեն կարող արդյունք տալ, եթե դրանք արվեն ժամանակ շահելու նպատակով:
Խոսելով բանակցություններում ՌԴ-ի պահանջների մասին՝ Քալընն ասել է. «Բանակցությունները հեշտ չեն ընթանում: Ռուսաստանը անիրատեսական պահանջներ ունի, ինչպիսիք են Ղրիմի ճանաչումը և Ուկրաինայի զինաթափումը: Մեր տեսանկյունից այդ պահանջների ընդունումը հնարավոր չէ: Մենք կենտրոնանում ենք պատերազմի ավարտի, բանակցություններում զինադադարի որոշման ու հումանիտար միջանցքի բացման վրա»:
Ռուսաստանի հետ Թուրքիայի հարաբերությունների ու դրանցում առկա անհամաձայնությունների մասին էլ Քալընն ասել է. «Այս հարաբերությունները մենք ենք ստեղծել: Չենք ասել՝ Ռուսաստանի հետ այսպիսի հարաբերությունների մեջ չմտնենք, քանի որ ՆԱՏՕ-ի անդամ ենք: Մենք էլ Ռուսաստանի հետ որոշ հարցերում անհամաձայնություն ունենք: Սիրիայում, Լիբիայում չենք կարողանում համաձայնության գալ: Ղրիմի անեքսիան չենք ճանաչում: Բայց դա մեզ չի դրդել սառը պատերազմի: Մենք ցույց տվեցինք, որ այդ հարցերը դիվանագիտությամբ են լուծվելու»:
Այս ենթաբաժնի վերջին նորությունները
Նիկոս Դենդիասը Սալոնիկում հայտարարել է, որ պաշտպանունակության բարձրացմանը միտված ռեֆորմ է իրականացվում Հունաստանի բանակում։
Թուրքիայի արտգործնախարարը հանդիպել է Հորդանանի և Նորվեգիայի արտգործնախարարների, Եվրամիութայն խորհրդի փոխնախագահի ու Պաղեստինի վարչապետի հետ:
Թուրքական մեդիայում մեծ տարածում են գտել Թուրքիայի նախագահ Ռեջեփ Թայիփ Էրդողանի առաջիկա օրերին ԺՀԿ առաջնորդի հետ հանդիպման մասին լուրերը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ստորգետնյա ցնցումների ուժգնությունն էպիկենտրոնում կազմել է 4.2 մագնիտուդ։
Թուրքիայի արտգործնախարարը հանդիպել է Հորդանանի և Նորվեգիայի արտգործնախարարների, Եվրամիութայն խորհրդի փոխնախագահի ու Պաղեստինի վարչապետի հետ:
Նիկոս Դենդիասը Սալոնիկում հայտարարել է, որ պաշտպանունակության բարձրացմանը միտված ռեֆորմ է իրականացվում Հունաստանի բանակում։
Ավելի վաղ հաղորդվել էր, որ Համաշխարհային բանկը (ՀԲ) Թուրքիային լրացուցիչ 18 մլրդ դոլար Է հատկացրել ներդրումային ծրագրերի համար:
Հիշեցնենք, որ ապրիլի 22-ին Թուրքիայի նախագահ Էրդողանը 13 տարվա դադարից հետո պաշտոնական այցով մեկնել էր Իրաք:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |