Չավուշօղլուն հեռախոսազրույց է ունեցել Բլինքենի և Կուլեբայի հետ

Քաղաքական10:18, 25 Փետրվար 2022

Չավուշօղլուն հեռախոսազրույց է ունեցել Բլինքենի և Կուլեբայի հետ

Թուրքիայի արտգործնախարար Մևլութ Չավուշօղլուն երեկ երեկոյան հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։ Նրանք քննարկել են Ուկրաինայում տեղի ունեցող վերջին զարգացումները։

Թուրքիայի արտգործնախարարության տարածած հաղորդագրության համաձայն՝ Չավուշօղլուն նշել է, որ Ուկրաինայի դեմ Ռուսաստանի ռազմագործողությունը միջազգային իրավունքի լուրջ խախտում է և Թուրքիան դա անընդունելի է համարում։

Նա շեշտել է իրենց աջակցությունն Ուկրաինայի քաղաքական միասնությանը, ինքիշխանությանը և տարածքային ամբողջականությանը, հայտնել է, որ ջանքեր են գործադրելու դիվանագիտության ոլորտում։

Հեռախոսազրույցի ընթացքում զրուցակիցները մտքեր են փոխանակել նաև ՄԱԿ-ում, ՆԱՏՕ-ում, ԵԱՀԿ-ում և Եվրոպայի Խորհրդում Ուկրաինայի թեմայով շարունակվող գործընթացների մասին։

Թուրքիայի ԱԳՆ-ն հայտնել է, որ երեկ Չավուշօղլուն հեռախոսազրույց է ունեցել նաև Ուկրաինայի արտգործնախարար Դմիտրի Կուլեբայի հետ։

Աղբյուր` Anadolu Ajansı

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: