Աքարը ռուս-ուկրաինական լարվածության ֆոնին խոսել է Մոնտրոյի կոնվենցիայի մասին

Քաղաքական13:02, 21 Փետրվար 2022

Աքարը ռուս-ուկրաինական լարվածության ֆոնին խոսել է Մոնտրոյի կոնվենցիայի մասին

Թուրքիայի պաշտպանության նախարար Հուլուսի Աքարը Բրյուսելում ՆԱՏՕ-ի պաշտպանության նախարարների հանդիպումից հետո տարածած հայտարարության մեջ անդրադարձել է Մոնտրոյի կոնվենցիային ռուս-ուկրաինական լարվածության համատեքստում:

«Մեր անկեղծ ցանկությունն է, որ Սև ծովի սահմանակից երկրներն այնտեղ ապրեն հարմարավետության, ապահովության և բարգավաճման պայմաններում։ Այս առումով մենք այնտեղ հնարավորություն ունեցանք շեշտելու Մոնտրոյի կոնվենցիայի կարևորության մասին: Մենք նշեցինք նաև, որ Մոնտրոյի կոնվենցիայով նախատեսված կարգը շահավետ է բոլոր կողմերի համար և անհրաժեշտ աջակցել կոնվենցիային (դրա գործունակությանը)»,- ասել է Աքարը:

Թուրքիայի պաշտպանության նախարարը, խոսելով բուն ռուս-ուկրաինական լարվածության մասին, հայտարարել, որ Ուկրաինայում ռազմական ակտիվության մասին լրատվամիջոցների տեղեկատվությանը պիտի զգուշավորությամբ վերաբերվել, քանի որ դրանց մի մասն ապատեղեկատվություն է: Վերջինի խոսքով՝ պետք է կանխել այն հնարավոր վատ հետևանքները, որոնք կարող են առաջանալ ապատեղեկատվությունից:

Աղբյուր` Habersol

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: