Քաղաքական11:36, 18 Փետրվար 2022
Բաքվի քարոզչամեքենան գոհ է թուրք-իսրայելական հարաբերությունների կարգավորման քայլերից
Թուրքական «Haber 7» լրատվամիջոցում հրապարակվել է ադրբեջանցի վերլուծաբան Թուրան Ռզաևի հոդվածը, որտեղ հեղինակն անդրադառնում է թուրք-իսրայելական և թուրք-ադրբեջնական հարաբերություններին, ինչպես նաև Իսրայելի փոխհարաբերություններին Բաքվի ու Անկարայի հետ:
Նրա համոզմամբ՝ Թուրքիա-Իսրայել-Ադրբեջան հարաբերությունները հասնում են նոր մակարդակի և տարածաշրջանում ձևավորում են նոր իրողություն:
Հիշատակելով, որ առաջիկայում Իսրայելի նորընտիր նախագահ Իսհաք Հերցոգը կարող է մեկնել Թուրքիա, (Հերցոգի այցն արդեն հաստատվել է , պարզապես ադրբեջանցի վերլուծաբանի հոդվածը լույս է տեսել մինչ Իսրայելի նախագահի այցի պաշտոնական հաստատումը-խմբ.) նա նշում է, որ թուրք-իսրայելական հարաբերությունների կարգավորման գործում կարևոր դեր է խաղում էներգետիկ գործոնը:
«Հարցն այն է, որ Թուրքիան ձգտում է դառնալ էներգափոխադրող երկիր տարածաշրջանում: Իսրայելն էլ ցանկանում է լինել էներգակիր երկիր տարածաշրջանում՝ Թամար և Լևիաթան հանքավայրերից գազը արտահանելով Եվրոպա: Սակայն Իսրայելը ուղիղ կապ Թուրքիայի ու Եվրոպայի հետ չունի: Իր հերթին Անկարան այդ ամենը գիտակցում է: Թուրքիան նաև գիտի, որ չի հանդիսանում էներգակիր երկիր և ինչպես եվրոպական երկրները, Անկարան նույնպես բնական գազի կարիք ունի», -գրում է հեղինակը:
Ռզաևը նաև անդրադառնում է թուրք-իսրայելական հարաբերություններում Ադրբեջանի դերակատարությանը՝ ընդգծելով, որ «Բաքուն հասկանում է հարցի բոլոր նրբությունները»:
Նշելով, որ թուրք-ադրբեջանական հարաբերությունները այժմ լիովին այլ մակարդակում են՝ հոդվածի հեղինակը հիշեցնում է, որ Բաքուն կանգնեց փաստի առաջ, երբ Իսրայելի ու Թուրքիայի հարաբերությունները վատացան, քանի որ այդ նույն ժամանակ Բաքվի ու Երուսաղեմի հարաբերությունները բարձր մակարդակի վրա էին, ինչպես այսօր:
Նա նաև հիշեցնում է, որ 44-օրյա պատերազմի ընթացքում, թե՛ Թուրքիայի, թե՛ Իսրայելի արտադրության հարվածային և հետախուզական անօդաչու թռչող սարքերը վճռորոշ դեր են խաղացել:
Այսպիսով թուրք-իսրայելական հարաբերությունների բարելավման գործըթնացը, ըստ հոդվածի հեղինակի, լիովին բխում է Ադրբեջանի շահերից:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Այդ մասին հայտնում են Թուրքիայի պաշտպանության նախարարության աղբյուրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |