ERMENI HABER AJANSI

Թուրքական «ORC» սոցիոլոգիական կազմակերպության կողմից փետրվարի 8-13-ին իրականացված հարցումներն իշխանական «Արդարություն և զարգացում» կուսակցության (AKP-ԱԶԿ) և դրա խորհրդարանական դաշնակից «Ազգայնական շարժում» կուսակցությունների (MHP-ԱՇԿ) համար կրկին ոչ շահեկան պատկեր է արձանագրել: 

ԱԶԿ-ի ու ԱՇԿ-ի կազմած խորհրդարանական «Ժողովուրդ» դաշինքի վարկնիշն ընդիմադիր «Ժողովրդահանրապետական» (CHP-ԺՀԿ) «Լավ» (ԼԿ-İP) կուսակցությունների կազմած «Ազգ» խորհրդարանական դաշինքի վարկանիշին գերազանցում է ընդամենը 0.2%-ով:  Ըստ այդմ` «Ժողովուրդ» դաշինքի օգտին քվեարկել պատրաստվողները կազմել են 39.4%, իսկ ընդդիմադիր «Ազգ»-ինը՝ 39.2%: 

Առանձին կուսակցությունների դեպքում պատկերն այսպիսինն է՝ ԱԶԿ-30%, ԱՇԿ- 9.4%, ԺՀԿ-24.1%, ԼԿ-15.1%:

Մեջլիսում ներկայությություն ունեցող կուսակցություններից քրդամետ «Ժողովուրդների դեմոկրատիա»-ն (HDP-ԺԴԿ) էլ ստացել է հարցվածների 8.1%-ի հավանությունը: 

Թուրքիայի նախկին փոխվարչապետ Ալի Բաբաջանի հիմնած «Ժողովրդավարություն և առաջընթաց» կուսակցության (ԺԱԿ-DEVA) վարկանիշը կազմել է 2.6%, իսկ նախկին վարչապետ Ահմեթ Դավութօղլուի «Ապագա» կուսակցությունը (GP-ԱԿ) ստացել է հարցվածների 4.1%-ի հավանությունը: «Երջանկություն» կւսակցությունը (SP-ԵԿ) ստացել է 1.5: 

Նշվում է նաև, որ «Ազգ» դաշինքի հնարավոր ընդլայնման դեպքում (խոսվում է 6 կուսակցության մասնակցության մասին՝ ԺՀԿ, ԼԿ, ԵԿ, ԺԿ, ԱԿ և ԺԱԿ) դրա ընդհանուր վարկանիշը կարող է հասնել 48%-ի: