Չավուշօղլուն՝ Լավրովին. «Թուրքիան պատրաստ է հյուրընկալել Ռուսաստան-Ուկրաինա բանակցությունները»

Քաղաքական11:08, 17 Փետրվար 2022

Չավուշօղլուն՝ Լավրովին. «Թուրքիան պատրաստ է հյուրընկալել Ռուսաստան-Ուկրաինա բանակցությունները»

Թուրքիայի ԱԳ նախարար Մևլութ Չավուշօղլուն հեռախոսազրույցներ է ունեցել Ռուսաստանի և Ուկրաինայի իր գործընկերներ Սերգեյ Լավրովի և Դմիտրի Կուլեբայի հետ: Թուրքիայի ԱԳՆ-ից տեղեկացրել են, որ հեռախոսազրույցների թեման եղել է ռուս-ուկրաինական լարվածության համատեքստում տեղի ունեցող զարգացումները:

Նշվում է, որ Չավուշօղլուն Լավրովի հետ զրույցում անդրադարձել է խնդիրը լուծելու հարցում դիվանագիտական նախաձեռնությունների կարևորությանը և այդ համատեքստում ևս մեկ անգամ հայտնել է Թուրքիայի պատրաստակամությունը Ռուսաստանի ու Ուկրաինայի հանդիպումները հյուրընկալելու առումով: Հաղորդվել է, որ Լավրովն էլ հաստատել է մարտի 11-13-ին անցկացվելիք Անթալիայի դիվանագիտական ֆորումին և այդ օրերին նախատեսվող Աստանայի ֆորմատի (Սիրիայի հիմնախնդրով) ԱԳ նախարարների հանդիպմանը իր մասնակցությունը:

Կուլեբայի հետ հեռախոսազրույցի ընթացքում նույնպես քննարկվել են ռուս-ուկրաինական լարվածությանն առնչվող զարգացումների հետ կապված հարցեր:

Աղբյուր` Anadolu Ajansi

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: