Ըստ «Anadolu»-ի՝ հայկական ու թուրքական երկաթուղիների միացումը տուրիստական ներուժ կունենա

Քաղաքական11:25, 15 Փետրվար 2022

Ըստ «Anadolu»-ի՝ հայկական ու թուրքական երկաթուղիների միացումը տուրիստական ներուժ կունենա

Թուրքիայի պետական «Anadolu» լրատվական գործակալությունը հերթական հոդվածն է հրապարակել Հայաստանի վերաբերյալ։

«Թուրքիայի «Արևելյան էքսպրես»-ը ներուժ է առաջարկում Հայաստանի զբոսաշրջային երկաթուղուն» վերտառությամբ հոդվածում ներկայացվել է Երևան-Գյումրի գնացքի աշխատանքը և նշանակությունը։ Հոդվածում նշվում է, որ Գյումրի-Երևան երկաթուղին ներուժ ունի միանալու Թուրքիայի Անկարա-Կարս երկաթուղուն (Արևելյան էքսպրես)։

Ներկայացվում է գնացքի ճանապարհը Երևանից դեպի Գյումրի քաղաքի կենտրոնը։ Նշվում է, որ քաղաքը Թուրքիայից եկող գնացքների համար Հայաստանի մուտքն է։ 1996 թվականից ի վեր ոչ մի գնացք չի մտել Գյումրի Թուրքիայից։

Խոսվում է այն մասին, որ հայ-թուրքական սահմանի երկարությունը կազմում է շուրջ 325կմ։ Հայաստանն ու Թուրքիան իրար կապող 2 ճանապարհ կա, մեկը ավտոմոբիլային (Իգդիր-Մարգարա), մյուսը՝ երկաթգծային (Կարս-Գյումրի)։ Երկուսն էլ շուրջ 30 տարի փակ են ու չեն գործում։

Հոդվածում նաև նշվում է, որ օտարերկրյա զբոսաշրջիկները նախընտրում են Երևան-Գյումրի գնացքը Հայաստանի ձյունառատ բնապատկերները տեսնելու համար։

Աղբյուր` Ermenihaber.am

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: