Քաղաքական13:48, 14 Դեկտեմբեր 2021
Bloomberg․ Թուրքիան Բայդենին գոհացնելու համար է կարգավորում հարաբերությունները Հայաստանի հետ
Ամերիկյան մամուլում լայն արձագանք է գտել Հայաստանի հետ հարաբերությունների կարգավորման մասին Թուրքիայի արտաքին գործերի նախարար Մևլութ Չավուշօղլուի հայտարարությունը։ Այս մասին գրում են թուրքական ԶԼՄ-ները։
Առաջատար «Bloomberg» գործակալությունը Թուրքիայի անակնկալ շրջադարձը որակել է որպես քայլ, որն արվել է ԱՄՆ նախագահ Ջո Բայդենին գոհացնելու համար։ Ընդգծվել է, որ թուրք բարձրաստիճան պաշտոնյաներից մեկի պնդմամբ՝ Անկարայի քայլը համահունչ է հոկտեմբերին Հռոմում կայացած հանդիպման ժամանակ Թուրքիայի նախագահ Ռեջեփ Թայիփ Էրդողանին ուղղված Բայդենի խնդրանք-պահանջին։ G20-ի շրջանակներում կայացած Էրդողան-Բայդեն հանդիպման ժամանակ, Սպիտակ տան ղեկավարը Էրդողանին կոչ էր արել բացել դեպի ծով ելք չունեցող Հայաստանի հետ սահմանը:
«Bloomberg»-ի հրապարակման մեջ նաև նշվում է․
«Թուրքիան հույս ունի, որ Հայաստանի հետ հարաբերությունների բարելավումը կմեղմացնի Անկարայի հարաբերությունները Վաշինգտոնի հետ։ Բայդենի և Էրդողանի միջև կայացած հանդիպման ժամանակ քննարկվել էին ՆԱՏՕ-ական երկու դաշնակցի անվտանգային և տնտեսական համատեղ շահերը։ Էրդողանը կտրուկ գնաճի և տնտեսության կայունացման համար, որը 2023 թվականի ընտրություններից առաջ սպառնում է նրա ունեցած աջակցությանը, կարող է մեծ օգուտներ քաղել արտաքին քաղաքական ցանկացած քայլից»։
Հիշեցնենք, որ Թուրքիայի արտգործնախարար Մևլութ Չավուշօղլուն հայտարարել էր, որ Հայաստանի հետ հարաբերությունների կարգավորման համար փոխադարձաբար հատուկ ներկայացուցիչներ են նշանակվելու։ Թուրքիան էլ ամեն քայլ անելիս Ադրբեջանի հետ միասին է գործելու։
Չավուշօղլուն նաև նշել էր, որ առաջիկայում Թուրքիան Հայաստանի հետ կսկսի իրականացնել Երևան-Ստամբուլ չարտերային չվերթներ։
ՀՀ ԱԳՆ մամուլի խոսնակ Վահան Հունանյանն էլ ի պատասխան հիշեցրել էր, որ Հայաստանը, ինչպես մշտապես նախկինում, այնպես էլ հիմա, պատրաստ է Թուրքիայի հետ հարաբերությունների կարգավորմանն առանց նախապայմանների: Հայաստանի ԱԳՆ-ն այս առումով դրական էր գնահատել Թուրքիայի արտգործնախարարի` հարաբերությունների կարգավորման նպատակով հատուկ ներկայացուցիչ նշանակելու մասին հայտարարությունը և հաստատել, որ հայկական կողմը ևս երկխոսության համար հատուկ ներկայացուցիչ կնշանակի:
Այս ենթաբաժնի վերջին նորությունները
Թուրքիայի նախագահը պատմական և օրինակելի է որակել Սիրիայի նկատմամբ պատժամիջոցների վերացման մասին Թրամփի որոշումը:
Թրամփը հայտարարել է, որ վերացվելու են Սիրիայի դեմ կիրառված պատժամիջոցները՝ հավելելով, որ այդ խնդրանքով իրեն դիմել էր Էրդողանը:
Թուրքիայի նախագահը մայիսի 13-ին սոցցանցում կատարած գրառմամբ պատասխանել է Պակիստանի վարչապետ Շահբազ Շերիֆի կողմից իրեն ուղղված շնորհակալական խոսքերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական լրատվամիջոցի՝ PKK-ի հիմնադիր առաջնորդ Աբդուլլահ Օջալանի հետագա դերն ու կարգավիճակը կարող են զարգանալ 3 սցենարով։
Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:
Փորձագետները զգուշացնում են, որ Թուրքիային F-35-ներով զինելու հանգամանքը կարող է խախտել ռազմական բալանսը տարածծաշրջանում։
Նախկին ԱԶԿ-ական պատգամավորը մանրամասներ է հայտնել «Քուրդիստանի բանվորական կուսակցության» ինքնալուծարման գործընթացի վերաբերյալ:
Թուրքիայի նախագահը մայիսի 12-ին հեռախոսազրույց է ունեցել Ուկրաինայի նախագահի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |