Քաղաքական10:46, 10 Նոյեմբեր 2021
Ո՞վ կարող է Թուրքիայի նախագահի պաշտոնում փոխարինել Էրդողանին
Թուրքիայում օրըստօրե խորացող տնտեսական խնդիրները կրկին քաղաքական օրակարգ են բերում արտահերթ ընտրություններ անցկացնելու ընդդիմության պահանջը։ Չնայած Թուրքիայում իշխող կոալիցիան՝ «Արդարություն և զարգացում» կուսակցության (ԱԶԿ-AKP) առաջնորդ Ռեջեփ Թայիփ Էրդողանի և «Ազգայնական շարժում» կուսակցության (ԱՇԿ-MHP) նախագահ Դևլեթ Բահչելիի գլխավորությամբ, պնդում է, որ արտահերթ ընտրություններ չեն լինելու՝ ԱԶԿ-ի ներսում քաղաքական խմորումներ են ընթանում։
Այս մասին գրում է Euronews-ի լրագրող Դիլեք Գյուլը՝ վկայակոչելով ԱԶԿ-ի ներսում գտնվող իր աղբյուրները։ Հոդվածում նշվում է, որ ԱԶԿ-ում ուժային կենտրոններ են ձևավորվել և որքան ընտրությունները մոտենում են, այնքան այդ կենտրոնների միջև պայքարը թեժանում է։
Ըստ Դիլեք Գյուլի՝ որպես «հետէրդողանական» Թուրքիայի ԱԶԿ-ական առաջնորդներ մատնանշվում են Թուրքիայի նախկին վարչապետ, Էրդողանի հավատարիմ ընկեր Բինալի Յըլդըրըմը, ԱԶԿ փոխնախագահ Նուման Քուրթուլմուշը, արդարադատության նախարար Աբդուլհամիդ Գյուլը, Էրդողանի որդու մտերիմ Էրքան Քանդեմիրը, ներքին գործերի նախկին նախարար Էֆքան Ալայը և ներքին գործերի գործող նախարար Սուլեյման Սոյլուն։
Նշենք, սակայն, որ վերջերս «Foreign Policy» ամսագրում տեղ գտած վերլուծական հոդվածում, Թուրքիայի նախագահի պաշտոնի համար ԱԶԿ-ից առաջադրվելիք հավանական թեկնածուներ էին համարվել Թուրքիայի Ազգային հետախուզության կազմակերպության (MİT) ղեկավար Հաքան Ֆիդանը, ազգային պաշտպանության նախարար Հուլուսի Աքարը և հետո նոր միայն ներքին գործերի նախարար Սուլեյման Սոյլուն։ Ընդ որում՝ շեշտվել էր, որ Սոյլուի վարկանիշը հանցավոր աշխարհի հետ ունեցած նրա կապերի բացահայտման հետևանքով բավականին նվազել է։
Այս ենթաբաժնի վերջին նորությունները
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց Ցեղասպանության մասին։
Նշվում է, որ Անկարայում երկու երկրների արտգործնախարարությունների գլխավորությամբ կայացել են հակաահաբեկչական խորհրդակցություններ։
Էրդողանը հայտնել, որ ժամանակն է, որ ՔԲԿ-ի հարցը հանվի օրակարգից և նշել, որ Թուրքիան կարևորություն է տալիս ահաբեչության դեմ պայքարում միասնությանը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց Ցեղասպանության մասին։
Նույն օրը Շիշլիի հայկական կաթողիկե գերեզմանատան եկեղեցում ևս կմատուցվի պատարագ և կկատարվի նահատակների հիշատակի ու երախտագիտության աղոթք։
Թուրքիայի առաջնորդն Իրաքի նախագահ Աբդ Ալ Լատիֆի և Մուհամմեդ Շիա աս-Սուդանիի հետ հանդիպելուց հետո շփումներ կունենա նաև Էրբիլում:
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |