Քաղաքական12:53, 24 Հուլիս 2025
Թուրքիան պիտի ցանկացած եվրոպական երկրի ապացուցի, որ ինքը սպառնալիք չէ
Հունաստանի վարչապետ Կիրիակոս Միցոտակիսն անդրադարձել է Թուրքիայի հետ հարաբերություններին և Եվրամիության (ԵՄ) կողմից SAFE (անվտանգ ուղևորների հոսք) ծրագրում Թուրքիայի հնարավոր մասնակցությանը։
Վերջին շրջանում երկկողմ հարաբերություններն անկայուն որակելով՝ Միցոտակիսը նշել է, որ Հունաստանն ինքնիշխանության հարցերով չի բանակցում Թուրքիայի հետ և երբեք չի ընդունի այսպես կոչված «գորշ տարածքներ» տեսությունը։
Ըստ Միցոտակիսի՝ Հունաստանը երբեք չի հանդուրժի, որ Թուրքիան թելադրի, թե Հունաստանն իր ինքնիշխանության տակ գտնվող տարածքներում ինչ կարող է անել և ինչ չի կարող անել։
Անդրադառնալով «SAFE» ծրագրին՝ Միցոտակիսը նշել է, որ ինքը վետո կդնի Թուրքիայի մասնակցության վրա, քանի դեռ Էգեյան ծովում շարունակվում են անհամաձայնություններն ինքնիշխանության շուրջ։
«Հունաստանը կարգելափակի այն։ Սա սպառնալիք չէ։ Եթե Թուրքիան ցանկանում է մասնակցել այս ծրագրին, ապա պետք է ցանկացած եվրոպական երկրի ապացուցի, որ ինքը սպառնալիք չի ներկայացնում»,- շեշտել է Միցոտակիսը։
Նշենք, որ «SAFE» ծրագիրը ԵՄ ծրագիր է, որի նպատակն է ապահովել ուղևորների անվտանգ հոսքը: Ծրագրի նպատակն է ամրապնդել սահմանային անվտանգությունը՝ ուղևորությունից առաջ ուղևորների մասին տեղեկատվության փոխանակումը հեշտացնելով։ Թուրքիան աշխատում է վերոհիշյալ ծրագրին մասնակցելու ուղղությամբ՝ ԵՄ-ի հետ իր հարաբերությունները զարգացնելու և սահմանային անվտանգությունը բարելավելու համար ու Թուրքիայի մասնակցությունը ծրագրին դիտվում է որպես կարևոր քայլ ԵՄ-ի հետ համագործակցության մեջ։
Այս ենթաբաժնի վերջին նորությունները
Հանդիպման մասին լուրերը տարածվեցին այն բանից հետո, երբ Սիրիան օգնության խնդրանքով պաշտոնապես դիմեց Թուրքիային:
Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:
Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Հրեա մասնագետը նշել է, որ թուրքական հրթիռի նախորդ տարբերակը սպառնալիք էր Հունաստանի և Հայաստանի համար, իսկ այժմ՝ այն սպառնալիք է ողջ տարածաշրջանի համար։
Ըստ նախարարի՝ Թուրքիան հիմա ծնելիության պատմական ամենացածր մակարդակի վրա է:
Հունասանի վարչապետը նշել է, որ վետո կկիրառեն և Թուրքիան չի միանա Եվրամիության «SAFE» ծրագրին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |