Քաղաքական17:43, 09 Սեպտեմբեր 2021
Աքար. «Թուրքիան շարունակելու է Միջերկրականում հորատման աշխատանքները»
Թուրքիայի պաշտպանության նախարար Հուլուսի Աքարն անդրադարձել է թուրք-հունական հարաբերություններում լարվածության պատճառ դարձած և ժամանակ առ ժամանակ ի հայտ եկող կնճռոտ հարցերի:
Ելույթ ունենալով «Էգեյան ծովը և Հունաստանի հետ դրացիական հարաբերություններում առկա խնդիրները» խորագրով գիտաժողովի ընթացքում՝ Աքարն ընդգծել է, որ Հունաստանը պետք է տեսնի և հասկանա, որ դատարկ երազանքներ են հունական կողմի այն քայլերը, որոնք ուղղված են ծովային և օդային սահմաններն ընդլայնելուն:
Աքարը խոսել է նաև վերջին տարիների ընթացքում թուրք-հունական հարաբերությունների լարման հիմնական պատճառի՝ Արևելյան Միջերկրականում էներգետիկ ռեսուրսների որոնման աշխատանքների մասին:
Այս համատեքստում Թուրքիայի պաշտպանության նախարարն ընդգծել է, որ Թուրքիան շարունակելու է հետազոտման և հորատման աշխատանքներ տանել Թուրքիայի ծովային սահմաններում, ինչպես նաև այն հատվածներում, որտեղ նման աշխատանքներ տանելու համար լիազորություն է ստացել «Հյուսիսային Կիպրոսի թուրքական հանրապետությունից»:
Հիշեցնենք, որ վերջին տարիներին Թուրքիան, խախտելով Կիպրոսի բարձրագույն տնտեսական գոտին, սկսել էր էներգետիկ ռեսուրսների որոնման և հորատման աշխատանքներ տանել՝ հիմնավորելով, որ նման լիազորագիր ունի Կիպրոսի թուրքերի կողմից: Թուրքիայի այս գործողությունները հանգեցրել են Հունաստանի հետ հարաբերությունների լարման: Թուրքիայի գործողություններն արժանացել են նաև ԵՄ-ի քննադատությանը, անգամ կիրառվել են որոշ պատժամիջոցներ:
Այս ենթաբաժնի վերջին նորությունները
«Ակնթարթ չանցած կդավաճանեն իրենց գործին, եթե դրա վերջում փող լինի»,-նշել է ԺՀԿ առաջնորդ Քըլըչդարօղլուն՝ մեղադրելով Թուրքիայի նախագահ Էրդողանին ոչ սկզբունքայնության մեջ։
Հունաստանի վարչապետ Կիրիակոս Միցոտակիսը ամերիկյան «The Washington Post» թերթին տված հարցազրույցում անդրադարձել է թուրք-հունական հարաբերություններին։
Նշենք, որ Ջեմ Օզդեմիրը պատգամավոր եղած ժամանակ Բունդեսթագում կողմ էր քվեարկել է Հայոց ցեղասպանության ճանաչման բանաձևին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նախօրեին գումարված Թուրքիայի ազգային անվտանգության խորհրդի նիստը տևել է 3 ժամ և ավարտվել հայտարարության ընդունմամբ։
Նշենք, որ Ջեմ Օզդեմիրը պատգամավոր եղած ժամանակ Բունդեսթագում կողմ էր քվեարկել է Հայոց ցեղասպանության ճանաչման բանաձևին։
Ծաղրանկարում ցույց է տրվում, որ դոլարի, եվրոյի փոխարժեքը և ոսկու գինը շարունակում է բարձրանալ, ինչի պատճառով էլ Թուրքիայի նախագահը հավաքել է ճամպրուկը և հեռանում է իշխանությունից։
«Բավական է արդեն, ցանկանում ենք գոյատևել։ Գործազրկությունը, թանկությունը, գնաճը, կոմունալ ծախսերը կոտրում են մեր մեջքը»,-բողոքել է ակցիայի մասնակիցը։
Հունաստանի վարչապետ Կիրիակոս Միցոտակիսը ամերիկյան «The Washington Post» թերթին տված հարցազրույցում անդրադարձել է թուրք-հունական հարաբերություններին։
Օրացույց
արտարժույթ
| EUR | TRY | USD |
| 549.84 | 90.05 | 485.12 |