Հարցազրույց17:31, 23 Հունիս 2021
«Էրդողանիզմի» 3 կործանարար գծերը՝ ըստ թուրք պրոֆեսորի
Թուրք տնտեսագետ, պրոֆեսոր Ահմեթ Ինսելը խոսել է Էրդողանի իշխանության ընթացքում կառավարման համակարգում ի հայտ եկած 3 «նորարարության» մասին, որոնք ըստ նրա՝ կարող են հետագայում լուրջ խնդիր դառնալ Թուրքիայի համար:
Պրոֆեսոր Ինսելը թվարկել է դրանք։
1. Օրենքի ստորադասում
«Օրենքի ստորադասումն այն է, որ երբ սահմանադրությունն անգամ գործում է այնքանով, ինչքանով դա ձեռնտու է իշխանությանը»,- մանրամասնում է Ինսելը:
2. Պետական կառույցների ապաֆունկցիոնալացում
«Էրդողանիզմի այս առանձնահատկությունը մեջտեղից հանում է կառույցների որոշակի ինքնավարությունը՝ դրանց բոլորին դարձնելով մեկ կառույցի՝ նախագահականի կողմից ուղիղ կառավարվող մասնաճյուղեր»,- պարզաբանում է Ինսելը։ Այդպիսով դատարանները, համալսարանները, նախարարական գերատեսչությունները, հանրային ծառայությունները, քաղաքապետարանները, գանձապետարանը, Կենտրոնական բանկը և մյուս օղակները ղեկավարվում են մեկ կառույցի ու մեկ մարդու կողմից:
3. Մշտական կանոնների բացակայություն
«Այսօր Թուրքիայում գործում է կառավարման այնպիսի համակարգ, որտեղ ոչ մի կանոն, նույնիսկ ռեժիմի սահմանած կանոնները շարունակական չեն: Իշխանության ղեկին կանգնած մարդը ամեն պահի ամեն կանոն կարող է փոխել»,- բացատրում է Ինսելը։
Այս երեքի համադրությունը, ըստ թուրք պրոֆեսորի եզրահանգման, «Էրդողանիզմը» դարձնում է անկանխատեսելի մի իշխանություն, որը կարող է անել նույնիսկ ամենաանսպասելի բանը՝ ընդ որում թե՛ դրական, թե՛ բացասական իմաստով: Այս անկանխատեսելիությունը ինչպես ներքին քաղաքականության, այնպես էլ արտաքին քաղաքականության դեպքում դարձել է «Էրդողանիզմի» գլխավոր առանձնահատկությունը: Ինսելի համոզմամբ դա հատկապես տնտեսական պլանում կործանարար հետևանքներ է թողնում։
«Էրդողանիզմի» իրականացրած այս երեք ավերների՝ օրենքի, կառույցների ու կանոնների ոչնչացումների հետևանքների հաղթահարումը «Էրդողանիզմից» հետո Թուրքիայի առջև ծառացած ամենալուրջ խնդիրներից մեկն է լինելու»,- եզրափակում է թուրք պրոֆեսորը։
Այս ենթաբաժնի վերջին նորությունները
Ermenihaber.am-ը Թուրքիայի հայտնի քրեական հեղինակություն Սեդաթ Փեքերի բացահայտումների շուրջ զրուցել է շվեյցարաբնակ ֆոտոլրագրող, մարդու իրավունքների պաշտպան Դեմիր Սյոնմեզի հետ:
Դրանց թողած հետևանքների հաղթահարումը, ըստ Ահմեթ Ինսելի, «Էրդողանիզմից» հետո դառնալու է Թուրքիայի առաջ կանգնած ամենալուրջ խնդիրներից մեկը:
Հայկո Բաղդատը պատմում է Թուրքիայից դուրս գալուց հետո իր դեմ մահափորձի կազմակերպման և իրեն սպառնացող վտանգների մասին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Կիրիակոս Միցոտակիսն անդրադարձել է Կիպրոսի հիմնախնդրին՝ հանրության ուշադրությանը հրավիրելով այն փաստի վրա, որ Թուրքիան խախտում է միջազգային իրավունքը:
Թուրքիայի նախագահն ուրբաթօրյա նամազից հետո պատասխանել է լրագրողների հարցերին՝ անդրադառնալով թուրք-ամերիկյան հարաբերություններին և առաջիկայում Ռուսաստան կատարելիք այցին:
Այդ հոդվածն ուժի մեջ կմտնի այն դեպքում, երբ բյուջեի նախագիծը նույնությամբ ընդունվի Սենատում և ստորագրվի ԱՄՆ նախագահի կողմից։
Թուրքիայից Ռուսաստան ներկրված մրգերի մեջ հայտնաբերել է շագանակագույն մոնիլիզային փտախտ (Moniliniafructicola), իսկ լոլիկի մեջ՝ շագանակագույն կնճռոտության վիրուս:
Որպես վթարի պատճառ առաջ է քաշվում թուրքական բեռնատար նավի ղեկավարման հետ կապված տեխնիկական խնդիրը:
Օրացույց
արտարժույթ
| EUR | TRY | USD |
| 549.84 | 90.05 | 485.12 |