Պոլսի հայոց պատրիարքն ապրիլի 24-ի նախօրեին հարցազրույց է տվել Թուրքիայի պետական գործակալությանը

Ցեղասպանություն10:46, 24 Ապրիլ 2021

Պոլսի հայոց պատրիարքն ապրիլի 24-ի նախօրեին հարցազրույց է տվել Թուրքիայի պետական գործակալությանը

Թուրքիայի պետական «Anadolu» լրատվական գործակալությունը Հայոց ցեղասպանության նախօրյակին հարցազրույց է վերցրել Պոլսի հայոց պատրիարք Սահակ արքեպիսկոպոս Մաշալյանից։ Ապրիլի 24-ից մեկ օր առաջ, երբ սպասվում է, որ ԱՄՆ-ի նախագահ Ջո Բայդենը կարող է ճանաչել Հայոց ցեղասպանությունը, Մաշալյանը ցավալի է համարել, որ «հայ ժողովրդի ցավը և նախնիների սուրբ հիշատակը քաղաքական նպատակների համար գործիք է դարձել»:

Նրա խոսքով՝ նման գործելաոճը չի նպաստում 2 ժողովուրդների մերձեցմանը, հակառակը՝ թշնամական զգացումներ հրահրելով՝ պատճառ է դառնում հաշտեցման հետաձգմանը: Ըստ պատրիարքի՝ պետք է բարեկամության և անկեղծության կամուրջներ գցել, և միայն այդպիսի միջավայրում հնարավոր կլինի ավելի կառուցողական և գոհացուցիչ գնահատական տալ «պատմական դեպքերին»։

Պատրիարքը 106 տարի առաջ տեղի ունեցածն անվանել է 1000 տարվա համատեղ պատմության ցավալի բացառություն։ Նա նաև ցանկություն է հայտնել, որ հնարավորինս շուտ երկկողմ հարաբերություններ հաստատվեն, որոնք հիմնված կլինեն համատեղ հարևանության և փոխադարձ շահերի վրա:

Մաշալյանն անդրադարձել է նաև Թուրքիայի նախագահ Ռեջեփ Թայիփ Էրդողանի ապրիլքսանչորսյան ուղերձներին և «6-նյակ հարթակ» ստեղծելու առաջարկին:

Ըստ պատրիարքի՝ Էրդողանը դարձել է Թուրքիայի պատմության մեջ միակ պետական բարձրագույն պաշտոնյան, որը ապրրիլքսանչորսյան ուղերձներ է հղել, որոնցում աչքի է ընկնում Էրդողանի հարգանքը «տեղահանման ժամանակ մահացածների» հիշատակի նկատմամբ:

Վեցի ռեգիոնալ պլատֆորմի վերաբերյալ Մաշալյանի դիտարկումն այն է, որ Էրդողանի առաջարկած նախագիծը կարող է տարածաշրջանի ժողովուրդներին «100 տարվա խաղաղություն բերել»:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։