Տնտեսական12:27, 08 Հուլիս 2020
Լիբիայի ԱՀ կառավարությունը քննարկել է թուրքական ընկերությունների հետ նոր ծրագրեր իրականացնելու հարցը
Հուլիսի 7-ին Լիբիայի Ազգային համաձայնության կառավարության վարչապետ Ֆայեզ աս-Սարաջի գլխավորած նիստին քննարկվել է թուրքական կազմակերպությունների հետ նոր ծրագրեր իրականացնելու հարցը։
Նշենք, որ 2019թ․ Լիբիայի մայրաքաղաք Տրիպոլիում Լիբիայի ազգային բանակի հրամանատար, գեներալ Խալիֆա Հաֆթարի ուժերի և Ազգային համաձայնության կառավարության ուժերի միջև տեղի ունեցած բախումների արդյունքում մեծ վնաս էին կրել էլեկտրական ենթակառուցվածքները։
Ազգային համաձայնության կառավարության տարածած հաղորդագրության մեջ նշվում է, որ Սարաջը նիստին քննարկման է ներկայացրել էներգետիկ և էլեկտրական ենթակառուցվածներքի հետ կապված նոր ծրագրերը թուրքական ընկերությունների հետ իրականացելու հարցը։
Աղբյուրի հաղորդմամբ՝ էլեկտրաէներգիայի հետ կապված խնդիրները լուծելու համար Լիբիայի ԱՀ կառավարությունը հանդիպել է թուրքական կազմակերպությունների հետ։
Լիբիան Աֆրիկայում ամենաշատ նավթային պաշարներ ունեցող երկիրն է։ Մայրաքաղաք Տրիպոլիում օրվա ընթացքում էլեկտրաէներգիայի մինչև 8 ժամ անջատումներ են լինում։
Հիշեցնենք, որ Թուրքիան աջակցում է ՄԱԿ-ի կողմից ճանաչված Լիբիայի Ազգային համաձայնության կառավարությանը, իսկ արաբական երկրներից Սաուդիան Արաբիան, Եգիպտոսը, Արաբական Միացյալ Էմիրությունները` գեներալ Խալիֆա Հաֆթարի գլխավորած Լիբիայի ազգային բանակին:
2011-ին Լիբիայի առաջնորդ Մուամար Քադաֆիի սպանությունից հետո երկիրը դադարել էր լինել մեկ պետություն: Այժմ Լիբիայում տիրում է երկիշխանություն: Ժողովրդի կողմից ընտրված խորհրդարանն արևելքում է, իսկ արևմուտքում՝ մայրաքաղաք Տրիպոլիում, ՄԱԿ-ի և ԵՄ-ի աջակցությամբ ձևավորված կառավարությունը, որը ղեկավարում է Ֆայեզ Սարաջը: Երկրի արևելյան մասի իշխանությունները գործում են անկախ Տրիպոլիից և համագործակցում Հաֆթարի հետ:
Այս ենթաբաժնի վերջին նորությունները
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
«ThorAtom»-ը առաջին մասնավոր ընկերությունն է Թուրքիայում, որը զբաղվում է 4-րդ սերնդի ռեակտորների մշակմամբ:
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Ընդհանուր առմամբ Թուրքիայի ընտրողների 36.6%-ը իրեն քեմալիստ է համարում, 16․4%-ը՝ ազգայնական, 9․7%-ը՝ իսլամական:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |