Քաղաքական14:47, 26 Հունիս 2020
ԱՄԷ-ն դատապարտել է ֆրանսիական նավի նկատմամբ թուրքական նավի ագրեսիվ պահվածքը
Արաբական Միացյալ Էմիրությունները դատապարտել է Արևելյան Միջերկրական ծովում Թուրքիայի ապօրինի գործողությունները և վերջերս թուրքական և ֆրանսիական ռազմանավերի միջև տեղի ունեցած միջադեպը։
Նշենք, որ թուրքական ռազմանավը Լիբիայի ափամերձ շրջանում հրաժարվել էր կատարել տեղափոխվող բեռի ստուգման մասին ֆրանսիական ռազմանավի հրահանգը, որը որը ՆԱՏՕ-ի շրջանակներում փորձում էր պարզել՝ արդյոք թուրքական նավը անօրինական ճանապարհով զենք է տեղափոխում Լիբիա։ Ի պատասխան ֆրանսիական նավի պահանջին թուրքական նավը ագրեսիվ պահվածք էր դրսևորել։
Թեմայի շուրջ ԱՄԷ արտաքին գործերի նախարար Անվար Գարգաշը գրառում է կատարել սոցցանցում։
«Մենք մեր համերաշխություն ենք հայտնում Ֆրանսիային` ընդդեմ Թուրքիայի ագրեսիվ դիրքորոշման»,-գրել է նա։
Նախարարը հայտնել է, որ ԱՄԷ-ն դատապարտում է ՄԱԿ-ի կողմից սահմանված զենքի էմբարգոյի կատարումը վերահսկելու նպատակով ՆԱՏՕ-ի առաքելության շրջանակներում Միջերկրական ծովի արևելքում գտնվող ֆրանսիական նավի նկատմամբ Թուրքիայի որդեգրած դիրքորոշումը։
Հիշեցնենք, որ հունիսի 18-ին ՆԱՏՕ-ի անդամ երկրների պաշտպանության նախարարների հանդիպումից հետո կազմակերպված մամուլի ասուլիսի ժամանակ Հյուսիսատլանտյան դաշինքի գլխավոր քարտուղար Յենս Սթոլթենբերգը հայտարարել է, որ «ՆԱՏՕ-ի ռազմական առաջնորդները ուսումնասիրում են միջադեպը՝ բոլոր հանգամանքները պարզելու նպատակով»:
Թուրքական կողմն ի պատասխան պնդել էր, որ ֆրանսիական կողմի մեղադրանքները հեռու են իրականությունից և առկա չէ որևէ հավաստի ապացույց։ Բայց կան փաստական ապացույցներ, որ թուրքական նավը որևէ ագրեսիա չի դրսևորել և բոլոր այդ փաստերը ներկայացվել են ՆԱՏՕ-ին:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |