Հասարակական11:50, 29 Հունվար 2020
Թուրքիայում 120 տարում երկրաշարժերի զոհ է դարձել ավելի քան 86․000 մարդ
Թուրքիայի ներքին գործերի նախարարության արտակարգ իրավիճակների և տարերային աղետների գործակալության հրապարակած պաշտոնական տվյալների համաձայն՝ 1900-2019թթ․ երկրի տարածքում մահվան և խոշոր ավերածությունների պատճառ դարձած 240 հզոր երկրաշարժ է գրանցվել։ Իսկ 4-ից 7․9 մագնիտուդ հզորությամբ երկրաշարժերի ընդհանուր թիվը կազմել է 18․687։ Ընդհանուր առմամբ վերջին 120 տարում երկրաշարժերի զոհ է դարձել 86․497 մարդ՝ ներառյալ 2020թ․ հունվարի 28-ին Էլազըղում տեղի ունեցած երկրաշարժի 45 զոհերը։
Յուրաքանչյուր տարի Թուրքիայում միջինում երկու ավերիչ երկրաշարժ է տեղի ունենում, որոնք մահվան և ավերածությունների պատճառ են դառնում։ Միևնույն ժամանակ, յուրաքանչյուր չորս օրում Թուրքիայում գրանցվում է 4- 4․9 մագնիտուդ ուժգնությամբ առնվազն մեկ երկրաշարժ, յուրաքանչյուր ամիս՝ 5-5․9 մագնիտուդ ուժգնությամբ 2 երկրաշարժ, ամեն տարի՝ 6-6․9 մագնիտուդ ուժգնությամբ 2 երկրաշարժ, իսկ յուրաքանչյուր 6 տարում՝ 7-7․9 մագնիտուդ ուժգնությամբ մեկ երկրաշարժ։
Ներկայացնում ենք վերջին հարյուրամյակում Թուրքիայի տարածքում տեղի ունեցած ավերիչ երկրաշարժերի ցանկը․
1939թ․ դեկտեմբերի 27-ին Էրզինջանում տեղի ունեցած 7․9 մագնիտուդ ուժգնությամբ երկրաշարժը 33․000 մարդու կյանք է խլել, ևս 10․000 քաղաքացի վիրավորվել է։
1942թ․ Էրբաայում (Թոխաթի նահանգ) գրանցված 7 մագնիտուդ ուժգնությամբ երկրաշարժին զոհ է գնացել 3․000 մարդ։
1943թ․ նոյեմբերի 26-ին 7․6 մագնիտուդ ուժգնությամբ երկրաշարժ է գրանցվել Սամսունի Լադիկ շրջանում։ Երկրաշարժի հետևանքով տարածքի շինությունների 75 տոկոսն ավերվել է, զոհվել է 2․300, վիրավորվել՝ 5․000 քաղաքացի։
1966թ․ Մուշի Վարթո շրջանում երկու հզոր երկրաշարժ է գրանցվել։ Մեկը՝ մարտի 7-ին, որին զոհ է գնացել 14 մարդ, երկրորդը՝ օգոստոսի 19-ին, որի հետևանքով 2․400 մարդ զոհվել է, 5000-ը՝ վիրավորվել։
1976թ․ նոյեմբերի 24-ին Վանի Մուրադիե շրջանում տեղի է ունեցել 7․5 մագնիտուդ ուժգնությամբ երկրաշարժ, որի հետևանքով զոհվել է 3․840 մարդ, 500 հոգի վիրավորվել է, ավերվել է շուրջ 10․000 շենք և շինություն։
1999թ․ օգոստոսի 17-ին Քոջաելիի Գյոլջյուք շրջանում գրանցվել է 7․4 մագնիտուդ հզորությամբ երկրաշարժ, զոհերի թիվը կազմել է 18․000, վիրավորներինը՝ 20․000։ Նույն թվականի նոյեմբերի 12-ին 7․2 մագնիտուդ ուժգնությամբ երկրաշարժ է արձանագրվել Դյուզջեում։ Զոհվել է 710, վիրավորվել՝ 2․678 մարդ։
2011թ․ հոկտեմբերի 23-ին Վանի Թաբանլը շրջանում գրանցված 7․2, իսկ նոյեմբերի 9-ին Էդրեմիթ շրջանում գրանցված 5․6 մագնիտուդ ուժնությամբ երկրաշարժերի զոհերի ընդհանուր թիվը կազմել էր 644, շուրջ 2․000 հոգի վիրավորվել էր։
Այս ենթաբաժնի վերջին նորությունները
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |