Հասարակական16:44, 23 Ապրիլ 2024
Ռուսաստանը մտահհոգված է, որ Թուրքիայի ազգային ավիափոխադրողը ռուսաֆոբիա է դրսևորում
Մարդու իրավունքների ոլորտում միջազգային համագործակցության մշտական հանձնաժողովը սպասում է, որ թուրքական իշխանությունները բացատրություն տան ազգային ավիափոխադրողի կողմից ռուսաֆոբիայի կրկնվող դրսևորումների վերաբերյալ
«Մշտական հանձնաժողովի անդամները լուրջ մտահոգություն են հայտնում ռուսաֆոբիայի աճող դրսևորումների և թուրքական ավիափոխադրողի կողմից Ռուսաստանի քաղաքացիների իրավունքների կոպիտ խախտումների կապակցությամբ։ Ստամբուլում Ռուսաստանի գլխավոր հյուպատոսության տվյալներով՝ վերջերս հաճախակի են դարձել այն դեպքերը, երբ թուրքական ավիաուղիները (Turkish Airlines) հրաժարվում են օդանավ ընդունել Թուրքիայի տարածքով Լատինական Ամերիկայի երկրներ մեկնող ռուս ուղևորներին։ Ըստ ականատեսների՝ մերժման միակ հիմքը Ռուսաստանի Դաշնության քաղաքացիությունն է։ Ըստ ռուս դիվանագետների՝ ավիաընկերության աշխատակիցները հաճախ իրենց այնքան էլ կոռեկտ չեն պահում, այսինքն՝ նսեմացնում են նրանց արժանապատվությունը՝ ելնելով ռուս լինելու հանգամանքից»,- ասվում է ՌԴ-ում Թուրքիայի Հանրապետության արտակարգ և լիազոր դեսպան Թանժու Բիլգիչին ուղղված մարդու իրավունքների խորհրդի հրապարակային ուղերձում:
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։ Նաև պաշտոնական գրություն է ուղարկվել Թուրքիայի արտաքին գործերի նախարարությանը, սակայն դեռևս հստակ արձագանք չկա:
«Մենք՝ Մարդու իրավունքների ոլորտում միջազգային համագործակցության մշտական հանձնաժողովի անդամներս, շարունակում ենք ուշադիր հետևել իրավիճակին և ակնկալում ենք, որ թուրքական իշխանությունները համապատասխան գնահատական կտան թուրքերի կողմից ռուսների ազատ տեղաշարժի իրավունքի խախտմանը և կօգնեն կանխել նմանատիպ խախտումները ապագայում»,- ասվում է մարդու իրավունքների խորհրդի հրապարակային ուղերձում։
Այս ենթաբաժնի վերջին նորությունները
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Նրան X-ում հետևում է շուրջ 10 մլն մարդ։
Թուրքիայի վիճակագրական ինստիտուտը տվյալներ է հրապարակել 2024-ին երկրում տեղի ունեցած ճանապարհատրանսպորտային պատահարների մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մայիսի 8-ին Թուրքիայի նախագահն անդրադարձել է «Քուրդիստանի բանվորական կուսակցության» հնարավոր ինքնալուծարմանը:
Նշվում է, որ համագործակցության շրջանակում այց է կատարվել Ադրբեջանի ռազմածովային ուժերին պատկանող ուսումնական կենտրոններ ու նավաշինարաններ։
Թուրքիայի նախագահը հեռախոսազրույց է ունեցել Պակիստանի վարչապետի հետ։
Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։
Նրան X-ում հետևում է շուրջ 10 մլն մարդ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |