Հասարակական11:41, 16 Հունվար 2020
Սոցհարցում. Թուրքիայի առաջին 3 խնդիրներն են. գործազրկությունը, ահաբեկչությունը և կյանքի թանկացումը
Թուրքիայի Քադիր Հաս համալսարանի պրոֆեսոր Մուստաֆա Այդընի ղեկավարած ակադեմիական խումբը երկրի 26 նահանգում սոցհարցում է իրականացրել, որին մասնակցել է 18-ից բարձր տարիքային խմբի 1000 քաղաքացի:
Սոցհարցման արդյունքներից պարզվել է, որ Թուրքիայում դրական բարեփոփումներ են համարվում տնտեսության, ռազմարդյունաբերության և առողջապահության ոլորտներում կատարված աշխատանքները, իսկ բացասական փոփոխություններ՝ գործազրկության աճը և կյանքի թանկացումը:
«Կարո՞ղ ենք իմանալ, թե Թուրքիայում ապրելուց ինչքան եք գոհ» հարցին` մասնակիցների 46%-ը պատասխանել է, որ «շատ գոհ է» կամ «երջանիկ է», իսկ 15%-ը նշել է, որ շատ դժգոհ է:
Սոցհարցման մասնակիցների 50%-ը կարծում է, որ երկրում քաղաքական բևեռացում կա, իսկ 49%-ը` ոչ: Նշվում է, որ եթե 2018թ. Թուրքիայում մարդկանց 30.8%-ը կարծում էր, որ դատաիրավական համակարգը քաղաքականացված է, ապա 2019թ. այդ ցուցանիշը հասել է 38.7%-ի:
«Վերջին տարիներին տեղի ունեցող տնտեսական զարգացումներն ի՞նչ ազդեցություն են թողել ձեզ վրա» հարցին ի պատասխան` մասնակիցների 46.5%-ն ասել է, որ իրենց վիճակը ֆինանսապես ավելի է վատացել, իսկ 19.4%-ը պատասխանել է, որ որևէ կերպ ազդեցություն չի թողել:
Ըստ հետազոտության` 2019թ. Թուրքիայի բնակչությունը երկրի ամենակարևոր խնդիրներից է համարում ահաբեկչությունը, գործազրկությունը, կյանքի թանկացումը, իսկ 4-րդ տեղում դիտարկում է Թուրքիայում ահաբեկչական համարվող «Ֆեթուլլահական կազմակերպության» (գյուլենական համայնք) «սպառնալիքը»:
Քաղաքացիների 12.9%-ն է միայն գոհ սիրիացի փախստականներից, իսկ 51.6%-ի դժգոհությունը մեկնաբանվում է հետևյալ կերպ. «սիրիացի փախստականները հակված են հանցագործությունների»:
Բնակչության 70.9-ի չի հավատում, որ սիրիացի փախստականները կվերադառնան իրենց երկիր, իսկ 86.1%-ը ընդգծում է, որ սիրիացի փախստականներին չէր ընդունի աշխատանքի:
Այս ենթաբաժնի վերջին նորությունները
Անվտանգության տեսախցիկներն արձանագրել են, թե ինչպես է տղամարդը հարձակվում ոստիկանի վրա։
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |