ERMENI HABER AJANSI

ԱՄՆ-ի Սենատում Հայոց ցեղասպանությունը ճանաչող բանաձևի ընդունումից հետո Թուրքիայի նախագահ Ռեջեփ Թայիփ Էրդողանն հայտարարել էր, որ ի պատասխան Վաշինգտոնի գործողությունների՝ իրենք կարող են փակել Ինջիրլիքի և Քյուրեջիքի ռազմաբազաները:

ԱՄՆ-ի պաշտպանության նախարար Մարկ Էսպերը, մեկնաբանելով Էրդողանի հայտարարությունը, ասել է, որ ինքն այդ մասին առաջին անգամ տեղեկացել է մամուլի հրապարակումներից:

«Այդ մասին ավելի վաղ ինձ տեղյակ չի պահվել: Ես էլ առաջին անգամ թերթերից եմ տեղեկացել, այդ պատճառով էլ պետք է պաշտոնակցիս հետ խոսեմ՝ հասկանալու համար, թե կոնկրետ ինչ նկատի ունեն և ինչքանով է դա լուրջ»,- ասել է Պենտագոնի ղեկավարը:

Էսպերը նշել է, որ Քյուրեջիքի բազայի խնդիրը ևս պետք է ՆԱՏՕ-ի հետ քննարկել (Թուրքիայի տարածքում գտնվող Ինջիրլիքի և Քյուրեջիքի ռազմաբազաներն օգտագործվում են ՆԱՏՕ-ի կողմից):

«Իհարկե, պետք է նշել, որ Թուրքիան ինքնիշխան պետություն է: Այդ պատճառով բնական իրավունք ունեն ՆԱՏՕ-ի կամ այլ օտար զորքերն իրենց տարածքում տեղակայելու կամ չտեղակայելու հարցում: Սակայն եթե լուրջ են իրենց ասածի մեջ, ապա սա արդեն դաշինքի խնդիրն է, դաշինքի նկատմաբ ունեցած պատրավորությունների հետ կապված հարց է»,- նկատել է տվել ԱՄՆ-ի պաշտապանական գերատեսչության ղեկավարը:

Հիշեցնենք, որ Էրդողանը կոշտ էր արձագանքել ԱՄՆ-ի սենատի կողմից Հայոց ցեղասպանության ճանաչմանը: Թուրքիայի նախագահը այդ համատեքստում խոսել էր նաև Ինջիրլիքի և Քյուրեջիքի ռազմաբազաների հնարավոր փակման մասին՝ շեշտելով, որ եթե հարկ լինի, ապա անվարան կփակեն դրանք՝ ելնելով վերաբերմունքի փոխադարձությունից։