Էրդողանի կուսակցությունը 5 ամսում 114.000 անդամ է կորցրել

Քաղաքական13:48, 16 Դեկտեմբեր 2019

Էրդողանի կուսակցությունը 5 ամսում 114.000 անդամ է կորցրել

Թուրքիայի նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցությունը (AKP-ԱԶԿ) վերջին 5 ամսում լքել է շուրջ 114.000 անդամ:

Ըստ Թուրքիայի հանրապետական դատախազության տվյալների՝ հուլիսի 1-ից սեպտեմբերի 6-ը երկրի ամենամեծ քաղաքական կուսակցության (ԱԶԿ) շարքերը լքել է 56.260 անդամ, ևս 57.856-ը հեռացել է սեպտեմբերի 6-ից նոյեմբերի 22-ն ընկած հատվածում:

Նույն ժամանակահատվածում անդամներ է կորցրել նաև խորհրդարանական քրդամետ «Ժողովուրդների դեմոկրատական» կուսակցությունը (HDP-ԺԴԿ): Ընդդիմադիր ԺԴԿ-ի շարքերը լքել է 782 անդամ:

Հակառակ պատկերն է խորհրդարանական մյուս 2 ընդդիմադիր կուսակցությունների՝ ամենամեծ ընդդիմադիր «Ժողովրդահանրապետական» (CHP-ԺՀԿ) և «Լավ» կուսակցության (İYİ-ԼԿ) դեպքում:

Հաշվետու ժամանակահատվածում ԺՀԿ-ի շարքերն ավելացել են 41 866 իսկ ԼԿ-ինը՝ 36139 անդամով:

Իշխող կուսակցության՝ ԱԶԿ-ի խորհրդարանական դաշնակից «Ազգայնական շարժում» (MHP-ԱՇԿ) կուսակցության շարքերն ավելացել են 125 անդամով:

Աղբյուր` Onedio

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: