Քաղաքական11:01, 12 Դեկտեմբեր 2019
Թուրքիան արձագանքել է ամերիկյան պատժամիջոցների բանաձևի ընդունմանը
Միացյալ նահանգների Սենատի արտաքին կապերի հանձնաժողովն ընդունել է Թուրքիայի դեմ պատժամիջոցների կիրառում նախատեսող բանաձև: Պատճառը S-400 ՀՕՊ համակարգերի հարցում ռուս-թուրքական ռազմատեխնիկական գործարքն է և Սիրիայում Անկարայի գործողությունները: Թուրքիայի արտգործնախարարությունն անարձագանք չի թողել բանաձևի ընդունումը:
Նախարարության տարածած հայտարարության մեջ մասնավորապես ասվում է. «Վերջին շրջանում ԱՄՆ-ի Կոնգրեսի երկու պալատներում ներքաղաքական ինչ-ինչ հաշվարկներով կյանքի կոչվող և Թուրքիայի դեմ տրամադրված հայտնի շրջանակների աջակցությունը վայելող նախաձեռնություններ: Դա ազգային անվտանգությանն առնչվող մեր ինքնիշխան որոշումների հանդեպ անհարգալից վերաբերմունքի նոր դրսևորում է: Այդ նախաձեռնությունները ԱՄՆ-Թուրքիա հարաբերություններին վնաս հասցնելուց բացի այլ գործառույթ չունեն»:
Թուրքիայի ԱԳՆ-ի հայտարարության մեջ հիշեցվում է, որ դեռևս հոկտեմբերի 29-ին ԱՄՆ Կոնգրեսի Ներկայացուցիչների պալատի կողմից նմանատիպ բովանադակությամբ բանաձևի ընդունմանը տրվել է անհրաժեշտ պատասխան: Հիմա երբ Սենատի հանձնաժողովում նման նախագիծ է ընդունվում և ջանք է թափվում Սենատի օրակարգում ընդգրկլե այն, ապա ըստ Թուրքիայի ԱԳՆ-ի, դա նշանակում է, որ Վաշինգտոնում ցանկություն չկա ըմբռնումով մոտենալու Անկարայի տված բացատրություններին:
«Կոչ ենք անում ԱՄՆ Կոնգրեսին, որ մեր ընդհանուր նպատակներին չվնասող կառուցողական մոտեցում որդեգրի և ողջամտորեն գործի»,- եզրափակվում է Թուրքիայի արտգործնախարարության հայտարարությունը:
Այս ենթաբաժնի վերջին նորությունները
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Այդ մասին հայտնում են Թուրքիայի պաշտպանության նախարարության աղբյուրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |