Էրդողանը անդրադարձել է ալևիների տների վրա արված ռասիստական գրություններին

Քաղաքական17:45, 28 Նոյեմբեր 2019

Էրդողանը անդրադարձել է ալևիների տների վրա արված ռասիստական գրություններին

Թուրքիայի նախագահ Ռեջեփ Թայիփ Էրդողանը անդրադարձել է Իզմիր նահանգի Գազիեմիր շրջանում անհայտ անձանց կողմից ալևի քաղաքացիներին պատկանող տների պատերի վրա կատարված ռասիստական գրություններին:

Էրդողանը դեպքի կապակցությամբ մասնավորապես ասել է.

«Որոշ տների դռներին որոշ նշաններ են դրվում, ինչու՞. Պարզ և հստակ ասում եմ. Մեր երկիրը բաժանելու և մասնատելու համար: Թուրքիայում մենք` որպես իշխանություն նմանատիպ որևէ խնդիր չունենք: Թույլ չենք տա, որ թշնամություն սերմանվի: Նրանց նկատմամբ, որոնք գրություններ են թողել այս դռների վրա, մեր անվտանգության բոլոր կազմակերպությունները հատուկ աշխատանքներ են իրականացնում»:

Թուրքիանի նախագահը նշել է, որ բոլորը պետք է զգուշավոր լինեն նմանատիպ նախաձեռնությունների հանդեպ:

Հիշեցնենք, որ Թուրքիայի Իզմիր նահանգի Գազիեմիր շրջանում անհայտ անձինք ալևիներին պատկանող տների պատերի վրա կարմիր ներկով «X» նշանն են արել և ռասիստական գրություն թողել: Կարմիր ներկով գրել են` «հեռացիր ալևի», որը, սակայն, ալևիները սև ներկով ծածկել են` վերածելով վարդի պատկերի:

Աղբյուր` cumhuriyet.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: