Թուրքիայի 7-րդ նախագահ Քենան Էվրենի անունը կջնջվի բոլոր փողոցներից, դպրոցներից և այլ վայրերից

Քաղաքական10:27, 26 Նոյեմբեր 2019

Թուրքիայի 7-րդ նախագահ Քենան Էվրենի անունը կջնջվի բոլոր փողոցներից, դպրոցներից և այլ վայրերից

Թուրքիայի խորհրդարանի (մեջլիս) բոլոր խմբակցությունները համաձայնության են եկել Թուրքիայի 7-րդ նախագահ Քենան Էվրենի անունը կրող բոլոր դպրոցները, պողոտաները, փողոցները, գյուղերը, թաղամասերը և զորանոցներն անվանափոխելու հարցում։

Քենան Էվրենը, որը եղել է 1980 թվականի ռազմական հեղաշրջման կազմակերպիչը, հայտնի է իր դաժանությամբ և բռնաճնշումներով։ Նրա իշխանության տարիներին Թուրքիայում 178.000 մարդ է ձերբակալվել, որոնցից 64.000-ը բանտարկվել է, 30.000 մարդ զրկվել է քաղաքացիությունից, 450-ը՝ մահացել խոշտանգումներից, իսկ 50 քաղաքացի էլ ենթարկվել է մահապատժի։

Թուրքիայի տխրահռչակ նախագահի անունն ամեն տեղից ջնջելու նախաձեռնության հեղինակը ընդդիմադիր «Ժողովրդահանրապետական» կուսակցության (CHP-ԺՀԿ) Էլազըղի (Խարբերդ) պատգամավոր Գյուրսել Էրոլն է։

Ազգայնական ուղղվածության «Լավ» (İyi) և «Ազգայնական շարժում» (MHP-ԱՇԿ) կուսակցությունները նույնպես կողմ են արտահայտվել հիշյալ նախաձեռնությանը։

Իշխանական «Արդարություն և զարգացում» կուսակցությունը (AKP-ԱԶԿ) շնորհակալություն է հայտնել ընդդիմադիր կուսակցությանն ու հարցը օրակարգ բերող պատգամավորին՝ շեշտելով, որ անհրաժեշտ է անհապաղ ձեռնամուխ լինել անվանափոխության գործընթացին։

Աղբյուր` Ermenihaber.am

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: