Չավուշօղլու. «Ինչ է, S-400 համակարգերն արկղերի մեջ պահելու համա՞ր ենք գնել»

Քաղաքական17:16, 26 Նոյեմբեր 2019

Չավուշօղլու. «Ինչ է, S-400 համակարգերն արկղերի մեջ պահելու համա՞ր ենք գնել»

Թուրքիայի արտգործնախարար Մևլութ Չավուշօղլուն իշխող «Արդարություն և զարգացում» կուսակցության խորհրդարանական նիստի ժամանակ անդրադարձել է ամերիկացի պաշտոնյաների հայտարարություններին՝ կապված ռուսական S-400 զենիթահրթիռային ՀՕՊ համակարգերի գնման հետ:

Չավուշօղլուն նշել է. «Մենք ոչ ոքի առջև պարտավորություն չունենք այն հարցում, որ չենք արտադրելու, կամ էլ չենք օգտագործելու S 400-ները: Գնել ենք, որովհետև մեզ անհրաժեշտ էր ՀՕՊ համարգը»:

Թուրք նախարարն ասել է, որ իտալացիները Թուրքիայի տարածքից (Քահրամանմարաշ) դուրս են բերել SAMP-T համակարգը՝ հիշեցնելով, որ 2013թ. նման կերպ էին վարվել նաև ամերիկացիները, հոլանդացիները և գերմանացիները, երբ դուրս էին հանել իրենց «Patriot» մարտկոցները:

«Ինչ է, S-400 համակարգերն արկղերի մեջ պահելու համա՞ր ենք գնել: Մեր նախագահն ակնհայտորեն և հստակ ասել է ԱՄՆ-ին, որ նման պարտավարություն չունենք»,- շեշտել է Չավուշօղլուն:

Աղբյուր` turkiyegazetesi.com.tr

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։

12:54, 15 օգոս

Թուրքիան ինչու՞ է սպառնում Սիրիայի քրդերին

Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները: